كورتیه‌ك لە ژیانا شه‌هیدێ فه‌رمانده‌ عەبدولرەحیم جەسیم پێندرۆی

له ساڵاێ ١٩٣٠ له گوندێ پێندرۆ له ده‌ڤه‌را مزوری ژوریا (مزوری بالا) هاتیه‌ دونیایێ و له ته‌مه‌نێ ٣ ساڵیێدا دگه‌ل مالباتاخۆ ئاوارێ باكورێ كوردستانێ  بوویه‌ و پشتی بورینا شه‌ش هه‌یڤا ڤه‌دگه‌ریێته‌ڤه باشورێ كوردستانێ، له ساڵا ١٩٤٥ ێ دگه‌ل بارزانی نه‌مر پشكداری د شۆره‌شێ دا دكه‌ت دژی داگیركه‌رێت كوردستانێ و بو دامه‌زراندنا كۆمارا كوردستانێ  مەهاباد دگەڵ بارزانی نه‌مر د چیته‌ رۆژهه‌لاتێ كوردستانێ و له ساڵا ١٩٤٦ێ دا دگه‌ل بارزانی نه‌مر بو به‌ره‌ڤانیكرن ل كوردستانی به‌ژداریا چه‌ند شه‌را دكه‌ت وه‌كی شه‌رێ (عه‌لبه‌ كویكا و شه‌رێ گه‌لازی)، له ساڵا ١٩٤٧ ێ دگه‌ل بارزانی نه‌مر دچیته‌ یه‌كێتیا سۆڤیه‌تا به‌رێ و بو ماوێ ١٢ ساڵان به ئاواره‌ی له یه‌كێتیا سۆڤیه‌تێ دمینیته‌ڤه‌، هه‌تا ساڵا ١٩٥٩ێ ڤه‌دگه‌ریته‌ڤه‌ بو عێراقێ له ساڵا ١٩٦٠ ێ له شارێ موسل جێگیر دبیت و به‌رده‌وامیێ به خه‌باتا خۆ دده‌ت ژ به‌رهندێ بو ماوێ شه‌ش هه‌یڤا دهێته‌ زیندانی كرن.
 
 پشتی ئازاد بوونێ له زیندانێ له ساڵا ١٩٦١ ێ دا به‌ژداریا شۆره‌شا ئه‌یلولا مه‌زن دكه‌ت و ل شه‌رێ ( نه‌هلێ) دا به‌ژدار دبیت و ل ڤی شه‌ریدا بریندار دبیت، دووباره‌ دگه‌ل بارزانی نه‌مر دكه‌ڤیته‌ رێكێ بو ده‌ڤه‌را به‌هدینا و دگه‌ل عیسی سوار دا به‌ژداریا تڤاڤا شه‌رێت ده‌ڤه‌را به‌هدینا دكه‌ت وه‌كی شه‌رێن (گه‌لیێ سپی و ئاوگه‌نی و عه‌ینزاله‌ و مه‌تین و .....هه‌می شه‌رێن دیێن ده‌ڤه‌را به‌هدینا).
 
 پشتی ته‌شكیل بوونا (هێزا هه‌لگۆرد) دبیته‌ ئامر به‌تالیۆن ل ڤێ هیزێدا و پشكداریا شه‌رێ ( دوكان) دكه‌ت .
 
 له ساڵا ١٩٧٠ ێ دبیته‌ (ئامر هێز) له هێزا حه‌مرین (ناوچه‌ی سورچیا) هه‌تا ساڵا ١٩٧٥ ێ، پشتی نسكۆیا شۆره‌شا گه‌لێ كورد دگه‌ڵ بارزانی نه‌مر ئاوارێ رۆژهه‌لاتێ كوردستانێ دبیت و پشتی شه‌ش هه‌یڤا ئاكنجی بوونێ له ئوردوگاهێ ( زێوه) ژ لایێ رژێما شاهێ ئیرانێ ڤه‌ دهێته‌ دویركرن بو شارێ ( ئه‌سفه‌هان) له وێرێ دووباره‌ ژ لایێ ده‌زگه‌هێ موخابه‌راتا ئیرانێ ڤه‌ (ساڤاكا شاهی) یا شاهێ ئیرانێ دهێته‌ نه‌فی كرن بو شارێ (شه‌هره‌زا) هه‌تا رۆخیانا رژێما شاهێ ئیرانێ، له ساا ١٩٨٠ ێ ڤه‌دگه‌ریێته‌ڤه‌ بو رۆژهه‌لاتێ كوردستانێ دووباره‌ ده‌ستهاڤێته‌ڤ چه‌كی بو ئازادیا كوردستانێ و داخلی باشورێ كوردستانێ دبیت و به‌رده‌وام دبیت له شۆره‌شێ وه‌كی فه‌رمانده‌كێ قه‌هره‌مان له رۆژا ١/٩/١٩٨٣ێ دا له سێكۆچكا سنوریا زنجیره‌ چیایێ قه‌ندیل دگه‌
ڵ چه‌ند پێشمه‌رگه‌هێن قه‌هره‌ماندا بێ دستی هێزێکا پێشمەرگەی یەکێتی نیشتمان کوردستانێ دهێته‌ شه‌هید كرن و گیانێ خۆ دكه‌ته‌ قوربانێ ئازادیا كوردستانێ.
 
 هزاران سلاڤ بۆ گیانێ شه‌هیدێ فه‌رمانده‌ عەبدولرحیم جەسیم پێندرۆیی و هه‌می هه‌ڤال و پێشمه‌رگه‌هێن دیێن شه‌هید و تڤاڤا شه‌هیدین ئازادیا كوردستانێ، سه‌روه‌رێ؛

تێبینی
: لەو پێشمەرگانە کە لە لەگەڵ فەرماندەی شەهید عەبدولرەحیم جەسیم پێندروی لە لایان هێزێکی پێشمەرگەی یەکێتی نیشتمان
 کوردستان شەهید کراون لەوانە: شەهید عەباس غەزالی میرخان ژاژۆکی، شەهید میرخان حجی ژاژۆکی وە شەهید
کەکشار خەدر ژاژۆکی  

 shahid Abbas Khazali Mirkhan Jajoki, shaid Mirkhan Haji Jajoki, shahid Kakshkar Xader Jajoki