مام ئەحمەدە شێت كاریتانی

 ناوی ئەحمەد قادر ڕەحمانە لە هۆزی بندیان و لە ساڵی ١٩٠٠ لە گوندی خدرجیجەی ناوچەی كەندێناوە لەدایكبووەو لە ساڵی ١٩٨٣ لە گوندی كاریتان لە نزیك دیبەگە كۆچی دوایی كردووە و ە لەو قەبرستانەش نێژراوە بەشێكی زۆری ژیانی لەوێ‌ بەسەر بردبوو.

دایكی ناوی شیرین خدر بووە لە هۆزی شێروانی بووەو لە ساڵی ١٩٧٠ كۆچی دوایی كردووە .

لەساڵی ١٩٣٤كاتێك گەنج بووە ماڵیان دێتە شارۆچكەی دیبەگەو لە گوندی كاریتان نیشتەجێ‌ دەبن ئەوگوندەی مەزاری شێخ صالح كاریتانی لێیە.

ئەحمەدە شێت كەسێكی باڵەبەرزو كەڵەكەت و گەنم ڕەنگ بووەو لە تای جاحێڵی دا پاوێكی زۆر بە هێزو لەسەر خۆبوو و هەر زوو دەستی دایە كاروكاسبی ماڵەكەی خۆیان و هەر لە بەرخەوانی و شوانی و جوتیاری و سەپانی و شەغرەكێشی و جەنجەرگێری كردووە و دواتر ژنی هێناوەو هەر لەو سەروبەندەشدا لەگەڵ نزیكانی خۆی لەساڵی 1944 تەوبەی لەسەر دەستی شێخ عەبدولكەریمی دارەخورمایی كردووە و بۆتە دەروێشی تەریقەت و بەشداری زۆری كۆڕی دەرویشان و زكركێشانی كردووەو و ئەوندە لە خواترس و دیندار بووە تا ئەو ساتەی هۆشی لەدەست دەدات و باری دەرونی تێك دەچێت و ڕوو لە چوڵی دەكات و لە ئاوەدانی دوور دەكەێتەوە بە بێدەنگی تەنیایی هەڵدەبژێرێت .

سەرەتاش لە ژیانی كۆمەڵاتی خۆشیدا زۆر ئاسوودە بووەو منداڵەكانی خۆشویستووە و ٣كوڕو ٤ كچی بووە و بەناوەكانی ( مەولود ، ئەمین ، مەحمود ، اتم ،مەیرەم ،عایشە ، و بەگیسی ) و كوڕەكانیشی لە هەڕەتی لاوێتیان وەكو باوكیان ئاسا و بەهۆی نزیكیان لە مەزارەكەی شێخ صالح و هاتنی دەروێشانی كەرەبچنەو و قادركەرەم و هەولێرو وینەكانی تر تێكەڵ بەدنیایی زكر دەبن و ئەوانیش دەبنە دەروێش ..

ژیانی تەنیایی :

لە كاتەی مام ئەحمەد ڕوو لە چۆڵایی دەكات و هەمیشە هۆگری ئەو گۆڕستان دەبێت بە گۆڕستانی ( كاریتان ناسراوە ) و هەمیشە بەناو گۆڕەكاندا دەسوڕایەوە و تەنانەت بەبۆچونی خۆی گۆڕەكانی لە چۆلەكە دەپاراست و هەمیشە هەڵی دەفراندن و ..سەرباری ئەوەش كەسێكی ئارام بوو ئەگەر سڵاوت لێیی بكردایە زۆر بەڕێزەوە وەری دەكردەوەو وەڵامیكی بیدەنگی دەدایەوە ..

وەكو دەگێڕنەوە كە ئەو پیاوە لە ئەنجامی لە خواترساتندا تووشی ئەم هێدمە ( صدمە ) یە هاتبوو و بۆیە هەمیشە خوای گەورە دەی پاراست و زور جاریش شتی وایان لێبینیوە كە جێگەی سەرسوڕمانە دەگێڕنەوە جارێكیان لە گوندی خدرجیجە بە ڕێگاوە دەبیت بەرەو شارۆچكەی دیبەگە بێت و لەكاتەشدا پەست (ئوتومبێلی پاسی دار ) ێك بەتەنیشتیدا تێپەڕ دەبێت و سەرنشینەكانی بە شوفێرەكە دەڵین هەڵیبگرەو ئەویش بە قسەیان ناكات و جێیی دێڵێ‌ . لەكاتێكدا دەگەنە دیبەگەو بەرەو هەولیًَربڕۆن و لە شوێنی وەستاندا دەبینن مام ئەحمەدە شێت لە چایخانەیەك دانیشتووەو ماستاو دەخواتەوە هەركە نەفەرەكان مام ئەحمەد دەبیننەوە زۆر سەرسام دەبن كە ئەو پیاوە چ گەیاندیە ئێرەوە پێشی ئەوان گەیشتە جێ‌ بۆ یە وای لێدەدەنەوە كە خوای گەورە لە (كن فیكون) یكدا و لە خێرایەكی وادا ڕۆیشتبێت و عەقڵ نەیبڕێت. و لە ڕووداوێكیشدا لەساڵانی شەست و هەفتاكاندا كاتێك پیاوێكی شێخی عەرەب بەناوی (حنش)كە ئەوسا لەپاڵ حەرەس قەومییەكان بەشداری تاڵانی ناوچەكەی كردبوو بەدەستی پێشمەرگەی كوردستان دەكوژرێت و ئەو هەواڵەكەش دەموو دەست لە مام ئەحمد دەبیستن و و ئەوەندەش گوێیی پێنادەن و لە كاتێكدا ئەم ڕووداوە ڕاست دەبێت و لە كاتەوە تێدەگەن مام ئەحمەد بەخۆڕایی وای نەگوتووە و بۆیە خەڵكی ئەو ناوچەوەیە بە پیاوێكی خاوەن پێشبینی (تنبۆ‌و) وەسفیان دەكردو وەكو وەلی و پیاو چاك گوزارشتیان لێ‌ دەكرد .

وەگو بۆیان گێڕامەوەش كە مام ئەحمەد لە تەمنی ١٤- دەنگێكی زۆر خۆش و بەجۆشی لە حەیران گوتن هەبووە و زۆر كەس بەدەنگی سەرسام بوون كاتێك حەیرانی ووتوە و لەكاركردنیشدا پیاوێكی بەهێزوو بە وەج بووە و زۆرخۆرێكی بی وێنەش بووە و باكی بە ماندوو بوون نەبووە .