نەجمەدین مەلا
نەجمەدین مەلا کوڕی مەلا غەفوری کوڕی
مەلا عەلییە، خوێندنی ئەو سەردەمەی لە حوجرە تەواو کردووە و پاشان قوتابخانەی
ئەعدادییەی مەلەکی تەواو کردووە. ژیانێکی زەحمەت و پڕئەشکەنجەی بردۆتە سەر،
ماوەیەک لە ڕانیە بە مووچە خۆری ئەمێنێتەوە و پاشان لەپێناوی پەیداکردنی
بژێویدا لە شاری حەڵەب ماوەیەک ماوەتەوە. دواتر گەڕاوەتەوە سلێمانی و خوێندنگای
تایبەتی کردۆتەوە بۆ فێرکردنی خوێندەواری. ھەر لەم
حوجرەیەشدا کە ناوی نابوو کەشتیی نوح
کتێبخانە‌یەکیشی دامەزراندبوو، کتێب و رۆژنامە و بڵاوکراوەکانی ئەو سەردەمەی
تیا ئەفرۆشت. لەم حوجرەیەوە نەجمەدین مەلا نزیکەی حەوت ھەزار کەسی لە
نەخوێندەواری ڕزگار کرد و ژمارەیەکی تریشی فێری زمانی فارسی کردووە. |