شێرزاد حەسەن



شوێنی لە دایك بوونی ھەولێر گەرەكی خانەقا. ساڵی لە دایك بوون دیار نییە چونكە دایك و باوكی نكۆك بوون لەسەر ساڵی لە دایك بوونی، ھەموو جار دەبووە شەڕیان لە سەر بەرواری لە دایك بوون، یەكێكیان دەیوت كە (شێرۆ) لە دایك بوو‌ جوولەكە لە ھەولێر ڕۆشتبوو، ئەوی دیكەیان بەرپەرچی دەدایەوە دەیووت نەخێر جولەكەكان نەڕۆشتبوون، ھەر لەبەر ئەوە ساڵی لەدایك بوون دەكرێت ١٩٥١ بێت یان ١٩٥٢.
لەشاری ڕەواندز چوار ساڵی قۆناغی سەرەتایی لە قوتابخانەی پاشای گەورە خوێندووە، پاشان پۆلی شەشی سەرەتایی چوونەتەوە ھەولێر لە قوتابخانەی (ئیبن خەلەكان) بووە، تا قۆناغی بەر لە زانكۆ خوێندنی لە ھەولێر تەواو كردووە. پلەی زانستیی بەكالۆریس لە زمان و ئەدەبی ئینگلیزی/ زانكۆی بەغداد ساڵی ١٩٧٤- ١٩٧٥.

له‌ ئابی ١٩٧٧ له‌ ئاماده‌یی پیشه‌سازی كاره‌با و ئه‌لكترۆنی سلێمانی دامه‌زراوه‌، پاشان له‌ كۆتایی ساڵی ١٩٧٨ گواسترایه‌وه‌ بۆ ئاماده‌یی بازرگانی سلێمانی تێكه‌ڵ.

١. له‌ ساڵی ١٩٩٤ ه‌ وه‌ تا حوزه‌یرانی١٩٩٧ له‌ ڕێكخراوی نا ده‌وڵه‌تی سه‌ر به‌ به‌ریتانیا كه‌ ناوی  MGA بوو كاری كرد له‌ به‌شی په‌روه‌رده‌ و ڕاگه‌یاندن بۆ ماوه‌ی 2 ساڵیش سه‌رنووسه‌ری گۆڤاری ئاوات وهێڤی بوو كه‌ ڕێكخراوه‌كه‌ ده‌ریده‌كرت بۆ منداڵان و قوتابیان، ئامانجی ئاگادار كردنه‌وه‌ بوو له‌ به‌رامبه‌ر ترس و هه‌ڕه‌شه‌كانی ( مین- لوغم).

٢. له‌ هاوینی ١٩٩٧ به‌ بانگهێشتێكی ئه‌ده‌بی چووه‌ وڵاتی فنله‌نداو له‌ حوزه‌یرانی هه‌مان ساڵدا له‌ كۆنفرانسێكی جیهانید له‌ به‌رده‌م ژماره‌یه‌كی زۆر له‌ نووسه‌رانی ڕۆژهه‌ڵات و ڕۆژئاوا موحازه‌ره‌یه‌كی ئه‌ده‌بی پێشكه‌ش كرد له‌سه‌ر ( زمان و كه‌سێتی نووسه‌ر).

بۆ ده‌ مانگ وه‌ك په‌نابه‌ر له‌ شاری (تامپێری) ژیا و پاشان چیرۆكی په‌نابه‌رییه‌كه‌ی به‌تاڵ كرده‌وه‌ و له‌ به‌هاری ١٩٩٨ گه‌ڕایه‌وه‌ كوردستان. داوه‌ته‌ ئه‌ده‌بییه‌كه‌ له‌ لایه‌ن (یانه‌ی قه‌ڵه‌می جیهانی) ییه‌وه‌  (Pen Clup) به‌ ڕێوه‌ چوو..

٣. له‌ حوزه‌یرانی ١٩٩٨ه‌ وه‌ له‌ ڕێكخراوی  (UNESCO) تا هاتنی ئه‌مریكا له‌ ساڵی ٢٠٠٣ .

كاری سه‌ره‌كی په‌یوه‌ندی به‌ هاوكاری نێوان ڕێكخراوه‌كه‌ له‌ گه‌ڵ ده‌زگای په‌روه‌رده‌ی كوردستان و قۆناغی خوێندنی باڵاوه‌ هه‌بوو، ئه‌ندامی كارای پرۆگرامه‌كان بوو

٤. له‌ هاوینی ساڵی ٢٠٠٣ تا هاوینی ٢٠٠٧ وه‌ك سه‌رپه‌رشتیاری پسپۆڕی كاری كرد.

٥. له‌ مانگی ئه‌یلوولی ٢٠٠٧ تا هه‌نووكه‌ ته‌كلیف كراوه‌ به‌ ڕاپه‌ڕاندنی كاروباری ڕاگه‌یاندن و به‌ و به‌ دوادا چوونی كێشه‌و گرفته‌كانی په‌روه‌رده‌ له‌ پارێزگای سلێمانی..

٦.  وه‌ك چاپكردنی كتێب، خاوه‌نی چوار كۆمه‌ڵه‌ چیرۆك به‌ ناوی ( ته‌نیایی، گوڵی ڕه‌ش، گه‌ڕه‌كی داهۆڵه‌كان، پیره‌ په‌پووله‌كانی ئێواران) و دوو ڕۆمان و سێ نۆڤلێت ( پێده‌شتی كارمامزه‌ كوأراوه‌كان، ته‌می سه‌ر خسند، حه‌سار و سه‌گه‌كانی باوكم، خه‌ونی جاڵجاڵۆكه‌كان، ژنێكی منگن) و پتر له‌ بیست كتێبی وه‌رگێڕان له‌بواری شیعر، چیرۆك، ڕۆمان، شانۆگه‌ری، ده‌روونناسی، هونه‌ر، ڕاگه‌یاندن، كۆمه‌ڵناسی و سیاسه‌ت هه‌یه‌ كه‌ له‌ ئینگلیزیه‌وه‌ كراوون به‌ كوردی.

٧.      به‌شداری ڤیستیڤاڵی هاوینه‌ی ئه‌ده‌بی (ئه‌دنبره‌ -  Bookcase  ) بوو له‌ هاوینی ٢٠٠٧ له‌ سكۆتله‌ندا.

٨.      سه‌رباری ئه‌وه‌ی كه‌له‌ بیست ساڵی رابردوودا له‌ بواری به‌رگری كردن له‌ مافی منداڵان و ژنان و په‌روه‌رده‌ و پاراستنی ژینگه‌ له‌ كۆڕو كۆبوونه‌وه‌ی زۆر به‌شدار بووه‌ له‌ ته‌ك نووسین له‌و بوارانه‌دا. سه‌رباری به‌شداریكردن له‌ كۆرس و سیمیناری په‌روه‌رده‌یی له‌ عه‌ممان، به‌ریتانیا و چین