دکتۆر سۆران کوردستانی (بەهمەن فەریوەر)  بەهمەن فەریوەر ناسراو بە دکتۆر سۆرانی کوردستانی کەسایەتی ئایینی و نووسەری کورد لە ساڵی ١٩٥٥ لە شاری سنە لە دایك بووە. خوێندنی سەرەتایی و ناوەندی لە شارەکانی سنە، کرماشان، مەشهەد، تاران، ئەردەبێل، مەهاباد و ورمێ خوێندوە و لە زانکۆی تاران دکتۆرای پزیشکی وەرگرتوە. کوردستانی جگە لە نووسینی دەیان کتێب و وتار، لە چەندین فێستیڤالی نێوخۆیی و دەرەکی بەشداری کردوە. بەشێک لە بەرهەمەکانی بریتین لە: رێزمانی کوردی: پیرامون دستور زبان کردی، رۆژمێری سۆران، کردی بیاموزیم، اکسیر زیبایی، رسالە عشق، چەپکێ نێرگیز، دوو رشتە یاقووت و مەرجان، خوا یارت بوو، رۆڵە بزانی، آموزش مقدماتی زبان کردی، کوردی فێر بین، منظومە کردی سلام بر شاهو، ژینەژان، قبالەهای کهن اورامان، کردی هنر است، کردی شکر است. بەهمەن فەریوەر، ناسراو بە دوکتور سۆران کوردستانی، لێکۆلەر، که‌سایه‌تیی ئه‌ده‌بی‌و نووسەری پڕکاری کورد کۆچی دوایی کرد.  دوکتور سۆران کوردستانی که‌ له‌ ماوه‌یه‌ی ژیانی‌دا ده‌یان به‌رهه‌می له‌ سه‌ر زمان و لێکۆڵینه‌وه‌ی ئه‌ده‌بی خستبۆ سه‌ر پاشخانی کتێبخانه‌ی کوردی، رۆژی پێنجشەممە، 30 ی خاکه‌لێوه‌ به‌ هۆی نه‌خۆشیی دڵ لە تەمەنی ٥٧ ساڵی‌دا کۆچی دوایی کرد. دوکتۆر سۆران وێرای زانینی زمانه‌کانی ئینگلیزی، عه‌ره‌بی، تورکی و فارسی، به‌ سه‌ر ته‌واو شێوه‌زاره‌کانی زمانی کوردی و زمانه‌ که‌وناراکانی ئه‌وستایی و پاڵه‌وی و هاوکات شێوه‌زمانه‌کانی تاتی، تالێشی، گیله‌کی و ته‌به‌ری شاره‌زا بووه‌و به‌رهه‌مه‌کانی رێزمانی کوردی، "پیرامون دستور زبان کردی"، "رۆژژمێری سۆران"، "کردی بیاموزیم"، "اکسیر زیبایی"، "رسالە عشق"، "چەپکێ نێرگیز"، "دوو رشتە یاقووت و مەرجان"، "خوا یارت بوو"، "رۆڵە بزانه‌"، "آموزش مقدماتی زبان کردی"، "کوردی فێر بین"، "منظومە کردی سلام بر شاهو"، "ژینەژان"، "قبالەهای کهن اورامان"، "کردی هنر است، کردی شکر است" چه‌ند به‌رهه‌مێکی جێماو له‌ ته‌مه‌نیک تێکۆشان‌و نووسینی دوکتور به‌همه‌ن فه‌ریوه‌ر، ناسراو به‌ دوکتور سۆران کوردستانی یه‌  دکتۆر سۆرانی کوردستانی دوای ماوەیەک ململانێ لە گەڵ نەخۆشی، رۆژی پێنجشەممەی رڕێکەوتی ١٨/٤/٢٠١٣ لە تەمەنی ٥٧ ساڵیدا لە نەخۆشخانەیەکی لە شاری تەورێز کۆچی دوایی کرد.