|
هۆزی خۆشناو کورته‌یە‌ك له ژیانی قادر بەگ
( قادر به‌گ کوڕی مسته‌فا به‌گ کوڕی حه‌مه‌د به‌گ) ، له نێوان ساڵانی
۱۸٦٥-۱۸۸٥
له شەقڵاوەی هەولێر دایک بوه ، میرانی
قادر به‌گ دوای کۆچی دوای میرانی بایز
به‌گی برای له ساڵی
۱۹۱۸
سه‌رۆکایه‌تی عه‌شیره‌تی خۆشناوی گرتۆته ده‌ست له به‌ر لێهاتوی توانیویه‌تی هه‌ر
سێ تیره‌ی خۆشناو (میر محمه‌لی و میر یوسفی و میر ئاوده‌لی (شتگه‌لی) ) بخاته چوار
چێوه‌ی ده‌سته‌ڵاته‌که‌ی ، له راستیدا میرانی
قادر به‌گ که‌سایه‌تیه‌کی ئایینی
بوه، بۆیه گرنگی زۆری به دروستکردنی مزگه‌وت و خوێنده‌واری داوه ، دواتریش له
شه‌قڵاوه یه‌که‌م که‌س بوه کچی خۆی ناردوه‌ته قوتابخانه که له‌و کاته‌دا
کارێکی نامۆ بوه، وه له کاتی هاتنی ئینگلیزه‌کان په‌یوه‌ندیان پێه‌وه کردوه و
چه‌ندین جار سه‌ردانی میرانی
قادر به‌گ یان کردوه له شه‌قڵاوه وه شمشێرێکی
زێر و زیویان پێشکه‌ش کردووه زیاتر به مه‌به‌ستی ئه‌وه‌ی پشتگیریان بکات وه له
ساڵی
۱۹۱۸
له لایه‌ن حاکمی سیاسی ئینگلیز له هه‌ولێر کاپتن (دبلو-ار-هه‌ی) میرانی
قادر
به‌گ به فه‌رمی ده‌کرێت به حاکمی هاموو خۆشناوه‌تی به‌ڵام دواتر نێوانیان تێک
ده‌چێت وه به‌هۆی کاریگه‌ری هه‌سته ئایینه‌که‌ی و وه چه‌ند کێشیه‌کی تر میرانی
قادر به‌گ هێزێکی زۆر کۆده‌کاته‌وه‌و بۆ ماوه‌ی چه‌ند رۆژێک گه‌مارۆی شاری
هه‌ولێر ده‌دات به مه‌به‌ستی ده‌رکردنی ئینگلیزه‌کان به‌ڵام دواتر کێشه‌که بێ
شه‌ر کۆتای دێت ئه‌م روداوه له‌ئه‌یلولی
۱۹۲۰
رویداوه وه له کتێبی ( سنتان فی کردستان ) به درێژی باس کراوه، وه کاتێکیش
شێخ مه‌حموودی حه‌فید له شۆرش دابوه له دژی ئینگلیزه‌کان هه‌وڵیداوه هاوکاری
بکات، وه له‌گه‌ڵ هاتنه‌وه‌ی تورکه‌کان بۆ ره‌واندز په‌یوه‌ندی پێوه کردون و
هاوکاری بۆ ره‌وانه کردون ، به‌ڵام دوای دامه‌زراندنی حکومه‌تی عیراق کردنه‌وه‌ی
ئه‌نجومه‌نی دامه‌زراندن میرانی
قادر به‌گ بوه‌ته ئه‌ندام ، دواتریش له خولی
چواره‌م تاوه‌کو خولی حه‌وته‌می ئه‌نجومه‌نی نوێنه‌رانی عیراق به نوێنه‌رایه‌تی
عه‌شیره‌تی خۆشناو و شه‌قڵاوه بوه‌ته ئه‌ندامی ئه‌نجومه‌ن ، ناوبراو له‌و
ماوه‌یه‌شدا په‌یوه‌ندی باشی له‌گه‌ڵ مه‌لیکی عیراق و گه‌وره ده‌سته‌ڵاتدارانی
عیراق و کوردیدا هه‌بوه، وه له ساڵی سییه‌کان مه‌لیک فه‌یسه‌ڵی یه‌که‌م
سه‌ردانی ماڵه‌که‌ی کردوه له شه‌قڵاوه .جێگای باسه میرانی
قادر به‌گ له
سه‌رۆک عه‌شیره‌ته هه‌ره به ده‌سته‌ڵاته‌کان بووه له‌و سه‌رده‌م دا وه له
هه‌مان کاتیشدا هه‌رده‌م پارێزگاری له مه‌سیحییه‌کانی شه‌قڵاوه کردوه ، له ساڵی
۱۹۳۷
له‌گه‌ڵ چه‌ند خزمێکی چوون بۆ حه‌ج و هه‌مویان به ئوتومبێلێکی تایبه‌ت گه‌رانه‌وه، دواجار له مایسی
۱۹۳۹
به هۆی نه‌خۆشی کۆچی دوای کردوه له نێو مزگه‌وتی گه‌وره‌ی شه‌قڵاوه نێژراوه.
وه له دوای ئه‌ودا کوره‌کانی سه‌ۆکایه‌تی عه‌شیره‌تی خۆشناویان کردوه ،
|