هه وله کان

پیاوێك هاوسه‌ره‌که‌ی به‌ ته‌ور ده‌کوژێت
٢٨ كانونی دووه‌م ٢٠١٣ ٣٢:١١ ا م

له‌ شاری قامیشلۆ ژنێک له‌نیوه‌ی خه‌ودا له‌لایه‌ن هاوسه‌ره‌که‌یه‌وه‌ به‌ ته‌ور ده‌كوژرێت،  بکوژه‌که‌ش  رووده‌کاته‌ باشووری کوردستان و له‌سه‌ر سنوور له‌لایه‌ن هێزه‌کانی ئاسایشه‌وه‌ ده‌ستگیر ده‌کرێت.

له‌ شاری قامیشلۆ ژنێک به‌ناوی (ف، ح) که‌ دایکی دوو منداڵه‌، له‌لایه‌ن هاوسه‌ره‌که‌یه‌وه‌ به‌ناوی (م، ش) له‌ نیوه‌ی خه‌ودا به‌ ته‌ور ده‌کوژرێت. پاش کوشتنی ژنه‌كه‌، پیاوه‌كه‌ دوو منداڵه‌که‌ی ده‌ڕفێنێت و به‌ره‌و باشووری کوردستان به‌ڕێ ده‌که‌وێت.

به‌پێی‌ زانیاری‌ه‌كان پیاوه‌كه‌ له‌سه‌ر سنووری باشوری کوردستان له‌لایه‌ن هێزه‌کانی ئاسایشی رۆژئاوای کوردستانه‌وه‌ ده‌ستبه‌سه‌ر ده‌کرێت.

برایه‌کی ژنه‌ك كوژراوه‌كه‌ به‌ ماڵپه‌ری‌ فراتی‌ وتوه‌، هاوسه‌ری خوشکه‌که‌ی بێ ئیش بووه‌ و به‌رده‌وام هه‌ڕه‌شه‌ی کوشتنی له‌ خوشكه‌كه‌ی‌.

دراوسێکانی ناوبراویش رایانگه‌یاند که‌ چه‌ندین جار شه‌ڕ و ناکۆکی له‌نێوان دوو هاوسه‌ره‌دا ده‌رده‌که‌وێت

سۆران؛ ئه‌م ئێوارەیه‌ كچێك خۆی‌ كوشت
٢٦ كانونی دووه‌م ٢٠١٣ ٦:٢٠ پ م

ئێوارەی ئەمرۆ كچێك لە گوندی بلەی سەربەناحیەی خەلیفان‌و قەزای سۆران خۆی كوشت.

سەرچاوەیەكی ئاگادار لەپۆلیسی خەلیفان به‌ سایتی هاوڵاتی وت ئەمرۆ ئێوارە لە گوندی بلەی سەربەناحیەی خەلیفان كچێك بەناوی (ك، ع) كە له‌ پۆلی ده‌یه‌مه‌ لە قوتابخانەی رمهاوێژ خۆی‌ كوشتووه‌.

به‌وته‌ی‌ سه‌رچاوه‌كه‌ ئه‌و كچه‌ بەهۆی دەرنەچونیەوە خۆی‌ كوشتوه‌، وتی‌ �دوای ئەوەی لە قوتابخانە گەراوەتەوە كەمێك لەماڵەوە دووركەوتۆتەوەو بەدەمانچە خۆی كوشتوە ئێستا تەرمەكەی دەگوازرێتەوە بۆ شاری سۆران لەوێ‌ پشكنینی بۆ دەكرێت�.

ئەو سەرچاوەیە ئەوەشی راگەیاند كە ئەو ماڵە هیچ كێشەیەكیان نەبووە، كچەكەش هیچ كێشەیەكی نەبووە تەنها كەوتنی لە خوێندنگا هۆكار بووە، وتیشی‌ �بەڵام ئێمە لێكۆڵینەوەی خۆمان ده‌كەین.�

ساڵانە لە سنوری هەرێمی كوردستان بەهۆی كەوتن لە خوێندن چەندین كەس پەنا بۆ خۆكوشتن ئەبات، هەفتەی رابردووش گەنجێك لە شاری سۆران خۆی كوشت بەپێی زانیاریەكان هۆكاری خۆكوشتنی ئەو گەنجەش بۆ خوێندن دەگەرێتەوە

كوشتنی ژنان لەڕۆژهەڵاتی كوردستان؛ موكریان زۆرترین ژنی تێدا كوژراوە‌و دوای ئەو سنە
١٢ مانگی كانونی دووه‌م ٢٠١٣

(ناوەندی رۆژهەڵات بۆ توێژینەوەی كۆمەڵایەتی) كە چالاكییەكانیان لەشاری كۆیە بەڕێوە دەبەن، ئامارێكیان خستۆتەڕوو لەبارەی كوژرانی ژنان و كێشە كۆمەڵایەتییەكان لەڕۆژهەڵاتی كوردستان بۆ ساڵی 2012. ئامارەكە پشتی بەستووە بەو هەواڵ و راپۆرتانەی لەڕۆژهەڵاتەوە بڵاودەبنەوە. ناوەندەكە لەڕێی سایتی خۆیان لەئینتەرنێت ئامارەكەیان بڵاوكردۆتەوە.
 

ئەو ئامارانەی پەیوەندی هەیە لەگەڵ �خۆكوشتن و كوژرانی ژنان� لەشارەكانی كوردستانی ئێران، لەخشتەدا جیاكراونەتەوە بەگوێرەی ناوچەو تەمەن و هۆكاری روودانیان لێرەدا تەنیا بەڕێژە بەشێكی ئەو توێژینەوەیە بڵاو دەبێتەوە نەك وردەكاریی زۆرتر لەبەر ئەوەی هێشتا ساڵی هەتاوی لەئێران كۆتایی نەهاتووەو ئامارەكە هی هەموو ساڵەكە نییە.
 

بەگوێرەی ئامارەكە رێژەی خۆكوشتنی ژنان 63%بووە هەروەها رێژەی كوژراوان 36% بووە.  ئەو كەسانەی تەمەنیان لە نیوان شانزە  بۆبیست وپێنج ساڵاندایە ٥٠%ی  ئەو كەسانە لەخۆ دەگرێ كە خۆیان كوشتووە یان كوژراون.
 

بەگوێرەی ئاماری ناوەندی رۆژهەڵات بۆ توێژینەوەی كۆمەڵایەتی پارێزگای(ئازەربایجانی رۆژاوا) كە شارەكانی ورمێ‌، مەهاباد، سەقز، بۆكان و سەردەشت دەگرێتەوە زۆرترین ژمارەی كوژراو و خۆكوشتنی تێدا تۆماركراوە بەجۆرێك 66% رووداوەكان لەو پارێزگایە روویانداوە، پارێزگای (كوردستان � سنە) رێژەی رووداوەكان تێیدا 23%یە، كرماشان6% و ئیلام 3%.
 

ئەو خشتەیە دەریدەخات پارێزگای ئازەربایجانی رۆژئاوا بە (٦٦%) زۆرترین ئاماری قوربانی هەیەو پارێزگاكانی كوردستان، كرماشان  لەپلەی دووەم و سێیەمدا جێ دەگرن. بەپێێ ئامارە رەسمییەكانی كۆماری ئیسلامی ئێران لەساڵەكانی رابردوودا پاریزگاكانی ئیلام و كرماشان زۆرترین ئاماری خۆكوشتن تۆمار كراون و لە هەموو پارێزگاكانی ئێران لەسەرترن.
 

هەروەها هۆكارەكانی خۆكوشتن و كوژرانی ژنان كە سەنتەرەكە ریزبەندی كردووە، نیشانیدەدا كێشەی كۆمەڵایەتی و خێزانی لەسەرووی هەموو هۆكارەكانی دیكەوەیە كە٤٠% ی ئەو ژنانەی كوژراون لەسەر كێشەی خێزانی و هەروەها كۆمەڵایەتی بوون، دواتر رێژەی كوشتن دێ‌ بەهۆكاری � ناموسپارێزیی� كە 6%بووە. هەروەها3% یش بە هۆكاری نادیار بوونەتە قوربانی � پێویستە ئەوە بوترێ  زۆرینەی ئەو قوربانیانە خۆیان كوشتووە، چونكە كێشەی كۆمەڵایەتیی ناو بنەماڵەكان زۆر بەكەمی ئاشكرا دەبن و بە شاراوەیی دەمێننەوە و بەم هۆیەوە هۆكاری مردنی قوربانیان بە نادیاری دەمێنێتەوە�.
 

رێژەی خۆسوتاندنی ژنانی كورد لەرۆژهەڵاتی كوردستان  بەگوێرەی ئاماری سەنتەری رۆژهەڵات بۆ توێژینەوەی كۆمەڵایەتی، رێژەیەكی بەرزە كە گەیشتۆتەوە 26% هەروەها خۆخنكاندن و هەڵواسین 10%یە.
 

بەشێكی دیكەی ئامارەكە تەرخانكراوە بۆ شوێنی كوشتنی ژنان 45% لەدەرەوەی ماڵەوەو 45%ی دیكەیان لەنێو ماڵەكاندا كوژراون. ئەو رێژەیە دەرخەری ئەوەیە  توندوتیژی و نائەمنی لە ناوماڵ و كۆمەڵگاشدا هەڕەشە لە ژنان دەكات. لەنێوان ئەو هۆكارانەی دەست نیشان كراون، دەتوانین بڵێین شێوەی خۆسووتاندن باوترین شێوەی خۆكوشتنی ژنان بووە. هەروەها لێكۆڵینەوەكان ئاماژە بەوە دەكەن كە ئەو كەسانەی خۆیان سووتاندووە لە دۆخێكی دەروونیی زۆر خراپدا ژیاون و بەم هۆیەوە دەستیان داوەتە خۆكوشتن.

بەهۆی ئەوەی ناوەندەكە چالاكییەكانی لەدەرەوەی ئێرانەو زۆرتر پشتیان بەوە بەستووە كە لەئاژانسەكانی هەواڵ بەتایبەتی (ئاژانسی هەواڵدەریی كوردپا) پێدەچێ‌ ئامارەكە ژمارەی تەواوی ئەو ژنانەی تێدا تۆمارنەكرابێ‌ كە لەرۆژهەڵاتی كوردستان گیانیان لەدەستداوە، هەروەها بەهۆی تەواوبوونی ساڵی هەتاوی كە ئێران كاری پێدەكات، هێشتا ژمارەی تەواوی قوربانییەكان لەئێران كۆنەكراونەتەوەو رانەگەینراون

كەركوك؛ كچێك خۆی كوشت‌و ژنێكیش لەلایەن پیاوەكەیەوە كوژرا

شەوی رابردوو 29-9، لە دوو ڕوداوی جیاوازدا لەكەركوك كچێك بەدەمانجەی براكەی خۆی كوشت‌و ژنێكیش لەلایەن پیاوەكەیەوە كوژرا.
عەقید یاسین حەسەن بەڕێوبەری بنكەی پۆلیسی ئازادی بە سایتی هاوڵاتی وت �لە گەڕەكی ئیسكانی شاری كەركوك كچێك بە ناوی(ش. ك. ف) تەمەن 18ساڵ بە دەمانجە خۆی كوشتووە.
حەسەن دەڵێت كچەكە بە هۆی دەمەقاڵە لە گەڵ براكەی خۆی كوشتووە.
لە لایەكی ترەوە سەرچاوەیەك لە ئاسایشی كەركوك بە سایتی هاوڵاتی ڕاگەیاند لە نزیك پردی لەیلان لە دەروازەی شاری كەركوك بە ئاراستەی ناحیەی لەیلان ئافرەتێك بە ناوی (جەمیلە شەریف) لەلایەن پیاوەكەیەوە كوژرا.
وتیشی �تا ئێستا هۆكاری ڕوداوەكە نەزانراوە�. ماوەیەكە توندوتیژی دژی ژنان پەرەی سەندوە‌و لە چەند رۆژی رابردوودا لەشاری كەركوك 4 ئافرەت كوژراون

گه‌رمیان؛ له‌ ماوه‌ی‌ که‌متر له‌ چوار ساڵدا، 19ئافره‌ت کوژراوه‌ و 16ئافره‌تیش خۆیان کوشتووه
 6ئاب/ئۆگۆست ٢٠١٢

گه‌رمیان 6ئاب/ئۆگۆست - به‌ پێی‌ ئامارێکی‌ به‌رێوه‌به‌رایه‌تی‌ توندوتیژی‌ دژ به‌ ئافره‌تان له‌ گه‌رمیان له‌ مانگی‌ 9ی‌ 2008ه‌وه‌ تاوه‌کو 31/ 7/ 2012، له‌ سنووری‌ گه‌رمیان 19 ئافره‌ت کوژراون و هه‌روه‌ها 16 ئافره‌ت خۆیان کوشتووه‌ و 114 ئافره‌ت سووتاوه‌ و 29 ی‌ دیکه‌ش خۆیان سووتاندووه‌ و هه‌ر له‌و ماوه‌یه‌دا، 24 ئافره‌ت داڵده‌ دراوه‌. هاوکات به‌ به‌ پێی‌ ئاماره‌کان رێژه‌ی‌ توندوتیژی‌ له‌ سنووره‌که‌دا روو له‌ زیادبوونه‌.
 به‌ پێی‌ ئه‌و ئاماره‌ که‌ کۆپییه‌کی‌ بۆ ئاژانسی‌ په‌یامنێر نێرداوه‌ هاتووه‌، له‌ مانگی‌ 9ی‌ 2012ه‌وه‌ که‌ به‌رێوه‌به‌رایه‌تی‌ توندوتیژی‌ دژ به‌ ئافره‌تان له‌ گه‌رمیان دامه‌رزاوه‌ تاوه‌کو 31 /7/2012، رووداو کێشه‌کانی‌ سنووره‌که‌ به‌مشێوه‌یه‌ بووه‌:

 له‌ ساڵی‌ 2008دا، 30 کێشه‌ تۆمار کراوه‌ که‌ له‌ نێویاندا سێ حاڵه‌تی‌ داڵده‌دان هه‌بووه‌ و هه‌روه‌ها له‌و ساڵه‌دا 3 حاڵه‌تی‌ کوشتن و 2 حاڵه‌تی‌ خۆکوشتن له‌گه‌ڵ 20 سووتان و 6 حاڵه‌تی‌ خۆسووتان تۆمار کراوه‌.

 له‌ ساڵی‌ 2009دا، 374 سکاڵای‌ جۆراو جۆر تۆمارکراوه‌ که‌ له‌ نێویاندا پێنج حاڵه‌تی‌ داڵده‌دان هه‌بووه‌ و هه‌روه‌ها له‌و ساڵه‌دا، 3 حاڵه‌تی‌ کوشتن و 3 خۆکوشتن و 25 سوتان و 6 حاڵه‌تی‌ خۆسوتان تۆمار کراوه‌.

 له‌ ساڵی‌ 2010شدا، رێژه‌ی‌ کیشه‌و سکاڵاکان بۆ 465 دۆسیه‌ به‌رزبۆته‌وه‌ که‌ له‌ نێویاندا پێنج حاڵه‌تی‌ داڵده‌دان هه‌بووه‌ و هه‌روه‌ها له‌ساڵی‌ 2010دا، به‌ پێی‌ ئاماره‌کان، 9 حاڵه‌تی‌ کوشتن و خۆکوشتن و 30 حاڵه‌تی‌ سوتان و 7 حاڵه‌تی‌ خۆسوتان تۆمارکراوه‌.

 هه‌روه‌ها له‌ ساڵی‌ 2011، رێَژه‌ی‌ سکاڵا و کێشه‌که‌کان که‌مبۆته‌وه‌ بۆ 387 کێشه‌ که‌ له‌ نێویاندا 4 ئافره‌ت داڵده‌ دراوه‌ و هه‌روه‌ها ، 5 حاڵه‌تی‌ کوشتن و 6 حاڵه‌تی‌ خۆکوشتن و 23 سوتان و 7 حاڵه‌تی‌ خۆسوتان تۆمار کراوه‌.

 هه‌ر به‌ پێی‌ ئه‌و ئاماره‌ له‌ سه‌ره‌تای‌ ئه‌مساڵه‌وه‌ تاوه‌کو 31/7/2012، له‌ سنووری‌ گه‌رمیان 229 کێشه‌ تۆمار کراوه‌ که‌ تێیدا رێژه‌ی‌ داڵده‌دان بۆ 7 ئافره‌ت به‌رزبۆته‌وه‌ و هه‌روه‌ها 3 حاڵه‌تی‌ کوشتن تۆمار کراوه‌ که‌ دواهه‌مینیان کوشتنی‌ نیگا ره‌حیم بوو، هه‌روه‌ها یه‌ک حاڵه‌تی‌ خۆکوشتن و 17 سووتان و 3 حاڵه‌تی‌ خۆسووتانیش تۆمارکراوه‌.

 هاوکات به‌ پێی‌ ئه‌و ئاماره‌ له‌ ماوه‌ی‌ ئه‌و چوار ساڵه‌دا سێ حاڵه‌تی‌ ده‌ستدرێژی‌ سێکسی‌ تۆمار کراوه‌ و ئاماژه‌ش به‌وه‌ دراوه‌ زۆرێک له‌ کێشه‌کان چاره‌سه‌ریان بۆ کراوه‌ هه‌ندێکیشیان ره‌وانه‌ی‌ دادگانی‌ گه‌رمیان کراوه‌ و له‌ژێر لێکۆڵینه‌وه‌دان.

 سه‌باره‌ت به‌وه‌ی‌ له‌ ئاماره‌که‌دا ده‌رده‌که‌وێت رێژه‌ی‌ توندوتیژی‌ له‌ سنووری‌ گه‌رمیان له‌ هه‌ڵکشاندایه‌، به‌رپرسی‌ به‌شی‌ ئامار و پلاندانان له‌ به‌رێوبه‌رایه‌تی‌ به‌دواداچوونی‌ توندوتیژی‌ دژ به‌ ئافره‌تان له‌ گه‌رمیان "به‌ختیار عه‌باس" به‌ ئاژانسی‌ هه‌واڵی‌ په‌یامنێری‌ راگه‌یاند: هۆکاری‌ زیادبوونی‌ رێژه‌که‌ ده‌گه‌ڕێته‌وه‌ بۆ ئه‌وه‌ی‌ پێشتر ده‌زگایه‌تی‌ تایبه‌تمه‌ند نه‌بووه‌ بۆ کۆکردنه‌وه‌ی‌ ئاماره‌کان و هه‌روه‌ها هۆکارێکی‌ دیکه‌ش ئه‌وه‌یه‌ ئێستا خه‌ڵکی‌ وشیاربۆته‌وه‌ بۆ چاره‌سه‌رکردنی‌ کێشه‌کانیان رووده‌که‌نه‌ به‌رێوه‌به‌رایه‌تییه‌که‌یان.

 به‌ختیار عه‌باس ئاماژه‌شی دا، رێژه‌کان له‌ رووی‌ سکاڵا و تاوانه‌ سووکه‌کان زیادی‌ کردووه‌، به‌ڵام له‌ رووی‌ تاوانی‌ گه‌وره‌ی‌ وه‌کو کوشتن و خۆکوشتن سووتان و خۆسووتانه‌وه‌ که‌متربۆته‌وه‌.

 دواین حاڵه‌تی‌ کوشتنی‌ ئافره‌ت له‌ گه‌رمیان کوشتنی‌ نیگار ره‌حیمه‌ که‌ له‌سه‌ر کێشه‌یه‌کی‌ کۆمه‌ڵایه‌تی‌ داڵده‌درابوو، به‌ڵام دوای‌ راده‌ستکردنه‌وه‌ی‌ له‌لایه‌ن برایه‌کییه‌وه‌ کوژرا و ئه‌م رووداوش له‌ ئێستادا ره‌نگدانه‌وه‌یه‌کی‌ گه‌وره‌ی‌ به‌ دوای خۆیدا هێناوه‌ و بڕیاره‌ سبه‌ینێ‌ سێ شه‌ممه‌ 7/8/2012، ژماره‌یه‌ک رێکخراو خۆپیشاندانێک بۆ به‌رده‌م به‌رێوه‌به‌رایه‌تی‌ توندوتیژی‌ له‌ گه‌رمیان ئه‌نجامبده‌ن و که‌ مه‌به‌ستیان ده‌ست له‌کارکێشانه‌وه‌ی‌ به‌رێوه‌به‌ری‌ به‌رێوه‌به‌رایه‌تییه‌که‌یه‌، چونکه‌ به‌ رای‌ ئه‌وان ئه‌و به‌ڕێوه‌به‌ره‌ به‌رپرسیاری‌ یه‌که‌مه‌ له‌ کوشتنی‌ ئه‌و کچه‌ ته‌مه‌ن 16 ساڵه‌

سلێمانی.. لە مانگی رابردوودا 58حاڵەتی توندوتیژیی دژبە ژنان ئەنجام دراوە

 ٩ حوزیران/یۆنیۆ ٢٠١٢

سلێمانی تەنیا لە مانگی رابردوودا لە شاری سلێمانی، 58حاڵەتی توندوتیژیی دژی ژنان ئەنجام دراوە.

سەرچاوەیەک لە بەرێوبەرایەتیی گشتی بەرەوڕووبوونەوەی توندوتیژیی دژیی ژنان بە ئاژانسی هەواڵی پەیامنێری راگەیاند:"بەپێی ئامارەکانی بەرێوبەرایەتیمان، تەنها لە مانگی نیسانی رابردوودا،58 حاڵەتی توندوتیژیی دژی ژنان لە شاری سلێمانی ئەنجام دراوە.

سەرچاوەکە گوتیشی: "توندوتیژییەکان بریتین لە توندوتیژیی سێکسی، کوشتن، ئازاردانی جەستە و سوتان. لەو رێژەیەیش خۆسوتاندن بە پلەی یەکەم دێت و ئەم لایەنەیش پێویستی بە بڵاوکردنەوەی هۆشیارییە بۆ ئافرەتان و هەنگاوەکانی بەرەوڕووبوونەوەی توندوتیژیی دژی ژنان توندتر بکرێتەوە.

24-11-2011

 كچێك لە هەولێر، لە لایەن ئامۆزاكەیەوە دەكوژرێت

دوێنی ئێوارە لە شاری هەولێر كچێك لە لایەن دەستگیرانەكەیەوە دەكوژرێت. "شەهلا. س" خوێندكاری "مەكتەبی شۆخی بنەڕەتی" لە دایك بووی 1993 بووە، لە لایەن بنەماڵەكەی زەختی لە سەر كراوە تاكوو لە گەڵ ئامۆزای خۆی شوو بكات، بەڵام شەهلا نەیویستووە شوو بە ئامۆزای خۆی بكات، لە ئەنجامدا دایك و ئامۆزاكەی دوێنی دةڕۆنە مەكتەب و لە مەكتەب دەریدەهێنن و بەرەو جێگایەكی نادی...ار دەیبەن، لە زمانی هاوڕێیانیەوە باس لەوە دەكرێت كە شەهلا كاتێك لە مەكتەب دەركەوتووە، ماڵئاوایی لە هەموو هاوڕێیانی خۆی كردووە.
پاش كوشتنی شەهلا ئامۆزاكەی خۆی رادەستی پۆلیس دەكات و لە ئەنجامدا باوكی شەهلا كچی خۆی بە تاوانبار دەزانێت و كوشتنی كچەكەی بەرەوا دەبینێت بۆیە دەستبەجێ تاوانبار لە ئیدارەی پۆلیس بێ لێكۆلینەوە ئازاد دەكرێت

11.5.2009

له‌ چوار مانگدا 19 ژن له‌ دووزخورماتوو سوتاون‌و شه‌شیان مردوون

سه‌رچاوه‌یه‌ك له‌ به‌شی فریاكه‌وتنی‌ نه‌خۆشخانه‌ی‌ دووزخورماتوو، دووشه‌ممه‌، وتی‌، له‌ ماوه‌ی‌ چوار مانگی‌ رابردوودا (19) حاڵه‌تی‌ سوتانی‌ ئافره‌تانمان تۆماركردووه‌و  شه‌شیان به‌هۆی زۆریی رێژه‌ی‌ سوتاویه‌كه‌یانه‌وه‌ مردوون.
سه‌رچاوه‌كه‌ به‌ ئاژانسی‌ (ئه‌سوات ئه‌لعیراق)ی وت�له‌ ماوه‌ی‌ چوار مانگی‌ رابردوودا (19) ئافره‌ت به‌ هۆی سوتاوییه‌وه‌ داخڵی‌ نه‌خۆشخانه‌كه‌مان كراون�.
وتیشی�له‌و ژماره‌یه‌ شه‌شیان به‌ هۆی زۆری رێژه‌ی‌ سوتاویه‌كانیانه‌وه‌، گیانیان له‌ ده‌ستداوه‌�.
رونیشیكرده‌وه‌ �ته‌مه‌نی‌ ئافره‌ته‌كان له‌ نێوان 16 تا 45 ساڵی‌ دایه‌و رێژه‌ی‌ سوتاویه‌كانیشیان له‌ نێوان 30% بۆ 85% دایه‌�. له‌ ئاماژه‌یه‌كدا بۆ ئه‌وه‌ی‌ �ئێمه‌ دوای‌ پێشكه‌شكردنی‌ چاره‌سه‌ری سه‌ره‌تایی‌ به‌ ئافره‌ته‌كان، ره‌وانه‌ی‌ نه‌خۆشخانه‌ی‌ ئازادی‌ كه‌ركوك یان فریاكه‌وتنی‌ سلێمانیان ده‌كه‌ین، چونكه‌ دكتۆری پسپۆڕی‌ سوتاویمان نیه‌�.
له‌ ماوه‌ی‌ چوار مانگی‌ سه‌ره‌تای‌ ساڵی‌ 2008 دا، ته‌نها (13)حاڵه‌تی‌ سوتانی‌ ژنان له‌و نه‌خۆشخانه‌یه‌ تۆمار كراوه‌و چواریشیان گیانیان له‌ ده‌ستداوه‌، به‌پێی سه‌رچاوه‌كه‌.

قه‌زای‌ دووزخورماتوو 80 كم له‌ باشوری‌ كه‌ركوكه‌وه‌ دووره‌
ئاوێنه

له‌سه‌ر كوشتنی كچێكی 17 ساڵان باوكی و دوو برای فه‌رمانی گرتنیان بۆ ده‌رچوو

05.11.2008

روونكردنه‌وه‌یه‌ك له‌ به‌ڕێوه‌به‌رایه‌تی‌ به‌دواداچوونی‌ توندوتیژی‌ دژبه‌ ئافره‌تان له‌دیوانی‌ وه‌زاره‌تی‌ هه‌رێم بۆ كاروباری‌ ناوخۆ

پاش ئه‌وه‌ی‌ له‌ رێكه‌وتی‌ (23/9/2008) كاتژمێر (10)ی‌ سه‌ر له‌ به‌یانی‌ كچێكی‌ ته‌مه‌ن (17)سالاَن به‌ناوی‌ (ل، م،ر،) له‌ناو ماڵه‌كه‌ی‌ خۆیدا له‌گوندی‌ (سۆفی‌ برایم)ی‌ سه‌ربه‌ ناحیه‌ی‌ قوشته‌په‌ كوژراو خوشكێكی‌ تریشی‌ له‌هه‌مان كات و رێكه‌وتدا به‌ناوی‌ (ك،م،ر)ی‌ ته‌مه‌ن(16)سالاَن دوای‌ زامداربوونی‌ و له‌به‌ر سه‌ختی‌ برینه‌كه‌ی‌ نه‌توانرا وته‌ی‌ ناوبراو وه‌ربگیرێ‌ ، به‌داخه‌وه‌ له‌ رێكه‌وتی‌ (11/10/2008)له‌ نه‌خۆشخانه‌ گیانی‌ له‌ده‌ستدا ، دوای‌ لێكۆڵینه‌وه‌ی‌ ورد له‌سه‌ر شوێنی‌ رووداوه‌كه‌و كۆكردنه‌وه‌ی‌ زانیاری‌ له‌سه‌ر ئه‌نجامده‌رانی‌ ئه‌و تاوانه‌ ده‌ركه‌وت كه‌ به‌پاساوی‌ بێ‌ بنه‌ما ئه‌م دووتاوانه‌ گه‌وره‌یه‌ له‌لایه‌ن كه‌سانی‌ ناو خودی‌ خێزانی‌ ناوبراوان ئه‌نجامدراوه‌، له‌به‌رئه‌وه‌ (دادوه‌ری‌ لێكۆڵینه‌وه‌) بڕیاری‌ دا به‌ فه‌رمانی‌ ده‌ستگیركردنی‌ تۆمه‌تباران هه‌ریه‌ك له‌ (باوك و دوبرای‌ كوژراوان و كه‌سێكی‌ تری‌ ده‌ره‌وه‌ی‌ خێزانی‌ كوژراوان) ، دوای‌ به‌دواداچوونی‌ پۆلیس و به‌ڕێوه‌به‌رایه‌تیه‌كه‌مان له‌ رێكه‌وتی‌ (19/10/2008) دا تۆمه‌تبار (ب،م،ر) له‌ دایك بووی‌ (1984) ده‌ستگیركرا به‌ پێی‌ مادده‌ی‌ (406/47/48/49/) ، دواتر دادوه‌ری‌ لێكۆلینه‌وه‌ی‌ بریاری‌ دا به‌به‌ندكردنی‌ تۆمه‌تبار (ب، م، ر) به‌پێی‌ مادده‌ی‌ (406 له‌یاسای‌ سزادانی‌ عێڕاقی‌).
هه‌روه‌ها دواتر وته‌ی‌ برایه‌كی‌ تری‌ كوژراوان به‌ ناوی‌ (ش، م، ر) وه‌رگیرا و دانی‌ به‌وه‌دانا باوكیان هانی‌ یه‌كێك له‌ كوڕه‌كانی‌ خۆی‌ داوه‌ به‌ ناوی‌ (ت،م، ر) تاكو ئه‌م دوو تاوانه‌ گه‌وره‌یه‌ ئه‌نجام بده‌ن ،هه‌روه‌ها وته‌ی‌ دایكی‌ كوژراوان به‌ ناوی‌ (خ، ا ، م) وه‌گیرا ، هه‌روه‌ها پاش گه‌ڕان و هه‌ولێكی‌ زۆر به‌ڕێوه‌به‌رایه‌تیه‌كه‌مان و بنكه‌ی‌ پۆلیسی‌ قوشته‌په‌، توانرا تۆمه‌تبار (م، ر، ق)ی‌ ته‌مه‌ن (46) ساڵ كه‌ ده‌كاته‌ باوكی‌ هه‌ردوو ئافره‌تی‌ كوژراو(ك، م، ر) و( ل، م، ر) ، (دادوه‌ری‌ لێكۆڵینه‌وه‌) بڕیاری‌ دا به‌ به‌ندكردنی‌ تۆمه‌تبار (م ر، ق)و(ب، م، ق) بی‌ پێی‌ مادده‌ی‌ (406 له‌یاسای‌ سزادانی‌ عێڕاقی‌ ) .

جارێكی‌ تر هاوولاَتیانی‌ كوردستان ئاگادار ده‌كه‌ینه‌وه‌ كه‌ له‌داهاتوودا ده‌رئه‌نجامی‌ دادگایی‌ كردنیان به‌ راگه‌یه‌ندراوێكی‌ تر بلاَوده‌كه‌ینه‌وه‌و دڵنیایی‌ ده‌ده‌ینه‌ هاوولاَتیانی‌ كوردستان كه‌ تاوانباران به‌سزای‌ یاسایی‌ ده‌گه‌یه‌نین.

له‌رانیه‌ كچێكی‌ دوانزه‌ ساڵ كوژرا
31.05.2008

له‌قه‌زای‌ رانیه‌، كچێكی‌ ته‌مه‌ن دوانزه‌ ساڵ‌ به‌ فیشه‌كی‌ ده‌مانچه‌ كوژراو له‌لایه‌ن پۆلیسیشه‌وه‌ باوكی‌ بۆ لێكۆڵینه‌وه‌ داواكراوه‌ . سه‌رچاوه‌یه‌ك له‌بنكه‌ی‌ پۆلیسی‌ نه‌خۆشخانه‌ی‌ گشتی‌ ڕانیه‌ به‌سایتی‌  ڕاگه‌یاند ڕۆژی‌ 29/5 ئه‌م روداوه‌ رویداوه‌و تائێستا هۆكاری‌ كوژرانی‌ كچه‌كه‌ نه‌زانراوه‌، به‌ڵام به‌پێی‌ مادده‌ی‌ 405ی‌ یاسای‌ سزادانی‌ عێراقی‌، فه‌رمانی‌ ده‌ستگیر كردنی‌ باوكی‌ ده‌رچووه‌‌و تائێستا ده‌ستگیر نه‌كراوه‌. ئه‌م كچه‌ خوێنكاری‌ شه‌شی‌ سه‌ره‌تاییه‌و هێشتا له‌تاقیكردنه‌وه‌ی‌ سه‌ری‌ ساڵی‌ ته‌واو نه‌كردبوو.

سه‌رچاوه: ‌ئاوێنه

چیرۆكی‌ كوشتنی‌ ئه‌ندازیارێكی‌ كچ به‌ده‌ستی‌ كوره‌ مامه‌كه‌ی
29.05.2008

كوشتنی مرۆڤ یەكێكە لە تاوانە گەورەكان، گەر كوژراوەكە ئافرەت بێ یان پیاو، هیچ لە مەسەلەكە ناگۆڕێ. مادام بكوژ وێرای گیانی مرۆڤ لە ناو ببات، ئیدی ئەوە تاوانە گەورەكەی ئەنجام داوەو دەبڕێتەوە، پاساویش هەرچییەك بێت، ناتوانێ رەوایەتی بداتە كارەكە.
بەڵام پاڵنەری تاوانیش رۆڵی هەیە لەوەی تاوانەكەی هێندەی دیكە گەورەتر بكات.. ئەوانەی تاوانی وەها دەكەن هیچ بەزەیی و میهرەبانی و خۆشەویستییەكان لە دڵدا نییە، ئەی ئەگەر كەسێك پاڵنەری تاوانەكەی گەڕاندەوە بۆ خۆشەویستییەك و پاشانیش بێبەش بوون لەو خۆشەویستییە بكاتە پاڵنەری تاوانەكەی..؟

ئیدی ئەمە وەكو پەندەكەی لێدێت كە دەڵێ(عوزر لە قەباحەت گەورەترە) لەم رووداوەدا كوڕێكی گەنج كچە مامێكی خۆی خۆشدەوێ و لەبەر ئەوەی ماڵە مامی، كچەكەی نادەنێ، ئیدی ئەویش بەریشی خۆی رەوا دەبینێ كە كچە بكوژێ و لە كۆڵ خۆی و دنیای بكاتەوە، هەروەك بەخۆی چەند جارێك رایدەگەیاند..

خۆشەویستییەكی یەك لایەنە
(حاجی كەمال)، پیاوێكی گران و خاوەن كەسایەتی خۆی بوو، ئەو كە پیاوێكی نیمچە دەوڵەمەند بوو، خێزانەكەشی لە ئاست كەسایەتییەكەی دابوون. (حاجی كەمال) سێ كچ و دوو كوڕی هەبوون، هەمووشیان لە قۆناغی زانكۆدا بوون، یان زانكۆیان تەواوكردبوو.

یەكێ لە كچەكانی كە ئەندازیاری رێگاوبان دەبێ و ناوی (شیلان) دەبێ، دووچاری گرفتی خۆی دەبێ لەگەڵ یەكێ لە كوڕە مامەكانی، كە ناوی (تەها) بوو، پەیوەندی نێوان ماڵی حاجی كەمال و ماڵی عزەدینی برای، كە دەكاتە ماڵی (تەها)، پێش ئەوەی هیچ تەنگژەیەك لە نێوانیاندا سەرهەڵبدات بێ خەوش بوو، بگرە گەرم و گوڕیش بوون لەگەڵ یەكتری، تا ئەوكاتەی (تەها) كێشەكەی دروستكرد. كێشەكەش لەوكاتەوە دروست دەبێ (شیلان) كە كۆلێژ تەواو دەكا، (تەها) هەستی بۆی دەجوڵێ و بەهیوای ئەوە دەبێ كە بیدەنێ.

(تەها) كە تەمەنی (21) ساڵی دەبێ و بەكاری كڕین و فرۆشتنی ئۆتۆمبێل خەریك دەبێ و لە رووی بیركردنەوەو رۆشنبیریشەوە لێكجیاواز و لێكدوور دەبن، رۆژ بە رۆژ هەستی بەرامبەر بە (شیلان) گەرمترو بە جۆشتر دەبێ، یەك دووجار رێكدەكەوێ كە (تەها) بە تەنها لەگەڵ (شیلان)دا دوو بە دوو دابنیشن، وەك دوو ئامۆزا قسە بكەن (تەها) لەو یەك دووجارەدا، سەرەتا بە ناڕاستەوخۆ هەستی خۆی لە (شیلان) دەگەیەنێ و ئەویش هەر بە ناڕاستەوخۆ تێیدەگەیەنێ كە ئەو وەك ئامۆزایەك تەماشای دەكات و هیچ مەیلێكی بۆ ئەو نییە، ئەمە دادی (تەها) نادات و لە دواجاردا بە ئاشكراو بێ پەردە پێی دەڵێ كە خۆشیدەوێ.

(شیلان)یش، ناچار دەبێ كە بە راستەوخۆ تێیبگەینێ كە نەخێر ئەو هەرگیز وەك خۆشەویست نەیتوانیوەو ناشتوانێ خۆشی بوێ و ئەوان لە زۆر شت لە یەك جیان.. گفتوگۆیان تاڕادەیەك گەرموگوڕ دەبێ لەسەر ئەو بابەتە، بەڵام دواجار (شیلان) كۆتایی پێ دێنێ و پێی دەڵێ كە جارێكی تر ئەو باسەی لەگەڵ نەكاتەوە ئەگەرنا نەیەتە ماڵیان.. پاش ئەوەی (شیلان) لای خۆی مەسەلەكەی بڕاندەوە، (تەها) هێندەی دیكە شێتگیر بوو، رشتترو سوورتر بوو لەوەی كە (شیلان) بخوازێ، ئینجا بە دایك و باوكی خۆی دەڵێ وەڵامی(شیلان)یشیان پێ دەڵێ.. باوكی تێیدەگەیەنێ كە ئەو مەسەلەیە لە مێشكی خۆی دەربكات و پێی دەڵێ: كوڕم تۆ و (شیلان)یان نەگوتووە، ئەو بڕوانامەی هەیەو شوو بە كەسێكی وەك خۆی دەكات، كە لە خۆی بوەشێتەە، ئاخر تۆ نە بڕوانامەت، نە وەزیفەیەكت هەیە، نە هەستی بۆ تۆ دەجووڵێ، تۆ بۆچی بوویتە قیڕوبنیشت بەو كچەوە نووساوی.

باوكی هەرچەند كۆشش دەكات و هەوڵ دەدات پەشیمانی بكاتەوە، بێ سوود دەبێ، (تەها) هەر سوور دەبێ لەسەر ئەوەی كە بچێتە داخوازی و دەبێ مامیشی قایل بكات.. باوكی ناچار باسەكە لەگەڵ(حاجی كەمال)ی برای دەكاتەوەو هەموو مەسەلەكەی بۆ باس دەكات، ئەویش پێی دەڵێ: ئەگەر (شیلان) زاڵی بوو، ئەمن بە كراسی بەری دەیدەمێ بەڵام، ئەگەر رازی نەبوو، دەبێ دەستی لێ هەڵبگرێ و ئەو بیرە لە مێشكی خۆی بسڕێتەوە، باوكی دێتەوەو هەڵوێستەكەی (حاجی كەمال)ی برای بۆ (تەها) دەگێڕێتەوەو پێشی دەڵێ: ئەوە مامت وەها پیاوانە هاتە پێش ئەتۆش پیاوبە، ئێمە دەچینە داخوازی ئەگەر (شیلان) رازی نەبوو پێت، ئیتر جارێكی تر ئەو باسە ناكەیەوەو نە دڵی شیلان و نە دڵی مامت عاجز ناكەی،(تەها) بەو مەرجە رازی دەبێ.

ئینجا كە خۆیان ئامادە دەكەن بۆ داخوازیكردن، رۆژی دیاریكراو دەچنە داخوازی، هەموو لایەك رازی دەبن بەو مەرجەی (شیلان) رازی بێ و قسە قسەی ئەوە، (شیلان)یش هەڵوێستی خۆی دووپات دەكاتەوەو لە هەموو لایەك دەگەیەنێ كە پێشتریش چی بە (تەها) گوتووەو ئێستاش هەمان هەست و بیروبۆچوونی هەیە.. وەك داخوازیكەر رەتی دەكاتەوە، بەڵام وەك كوڕە مامێك نەخێر.

كوشتنێكی بێ ئاگایانە
كە لە ماڵی (حاجی كەمال)ی مامی دێنەوە، (تەها) رەنگی زەرد هەڵدەگەڕێ و دنیای لێدێتەوە یەك، ئەو شەوە تا بەیانی خەوی لێ ناكەوێ، نە قسە لەگەڵ كەس دەكات، نە دەچێتە سەر كاریش، تا چێشتەنگاوێك بە ئاگا دەبێ و ئینجا هەر لە جێگاكەی خۆی خەوی لێ دەكەوی، تا بەرە بەری ئێوارە دەخەوێت، شەوەكەی دەچێتە مەیخانەیەك و تا درەنگی شەو خەریكی خواردنەوەی مەی دەبێت.

رۆژی دواتریش ئێوارەكەی بڕێكی زۆر مەی دەخواتەوەو چەقۆیەك لەگەڵ خۆی هەڵدەگرێ كە تەواو سەرخۆش و مەست دەبێت، ئینجا دەچێتە پێش دەرگای ماڵی(شیلان) و لە دەرگا دەدات، (شیلان) خۆی دەرگاكە دەكاتەوە، كە چاوی بە (تەها) دەكەوێ دەكشێتەوە دواوەو دەرگاكە پاڵ پێوە دەنێ كە دایبخات، بەڵام (تەها) ناهێڵێ بەری لێدەگرێ، ئینجا دەستی لە باخەڵی خۆی دەنێ و بە (شیلان) دەڵێ: "كە منت رەتكردەوە وادەزانی لەمن گرنگترو باشتری، چیت لەمن زیاترەو بەچی خۆت دەنازی، كە سەدی وەك تۆ خوا خوایانە ئاوڕێكیشیان لێبدەمەوە،(شیلان)یش پێی دەڵێ: تۆ كە ئەو هێزەت هەیە یەكێك لەو سەد كچە هەڵبژێرەو پیرۆزت بێ و چ منەتی منیش هەڵمەگرە، ئەوەی پێشتر پێم گوتووی دووبارەی ناكەمەوە. وازبێنە با مەسەلەكە بە خۆشی و بەبێ عاجزیی كۆتایی پێ بێ".

هه‌روه‌ها ده‌ڵێت:" كاكە خۆ دنیا هەر منی تێدانیمە تۆ بۆچی تەنها من دەبینی".

(شیلان) لەو قسانە دابوو، كە (تەها) لە چاو تروكانێكدا چەقۆكەی داهێناو لە پڕخێواندییە سەر دڵی و بە هەموو هێزی خۆشی لە سینگی راكرد.. (شیلان) كە چەقۆكەی پێكەوت، دەنگی نووساو چاوی زەقبۆوەو دەمی بەشبۆوە زیڕەیەكی لێهەڵساو كەوتە سەر زەوییەكە، لەو دەمەدا بوو كە دایكی هات بزانێ كە ئەو زیڕەیە چی بوو، كە چاوی بە رووداوەكە كەوت، كردیە قیژەو هاوارو لە خۆدان و.. (حاجی كەمال) بە پرتاو خۆی گەیاندە بەردەرگاو دیتی (شیلان) لە ناو خوێن گەوزاوە، نە دایكی و نە باوكیشی نەیانزانی كێ ئەو چەقۆیەی لێداوە، هەرچۆنێك بێت بە پەلە پەل دەیگەیەننە نەخۆشخانە، بەڵام (شیلان) بە لە هۆش خۆچووی و بەهۆی خوێنبەربوون دوای نێو كاتژمێر دەمرێت.

دوای مردنی بە كاتژمێرێك كە جارێ كەس نازانێ كێ و بۆچی ئەو كچە كوژراوە، پۆلیس هەواڵ دەدەنە ماڵی باوكی (شیلان) كە كەسێك خۆی بە دەستەوە داوەو دەڵێ كەوا من(شیلان)م كوشتووە، كە لە ناوەكەی دەپرسن، ئەوجا دەزانن كارەسات چۆن و لەلایەن كێوە قەومێندراوە.


دەرەنــــجام

دەرەنجام دوای دادگاییەكی پتر لە چوار مانگی، دادگا بە (15)ساڵ زیندانی حوكمی (تەها) دەدات.. لێرەدا تەها ژیانی خۆشی و ماڵی باوكی و مامیشسی وێرانكرد. كچێكی گەنج و دواڕۆژ پرشنگداریشی فەوتاندو بە ناهەق لە نیعمەتی ژیانی بێبەش كرد، (شیلان) خاوەن كەسایەتییەكی سەربەخۆ بوو، ئەو بیركردنەوەكەشی راست و دروست بوو، هەر بۆیە بە ژیانی خۆی باجی ئەو بیركردنەوە دروستەیدا، بەڵام بە ناهەق و بە ناڕەوایی، دەبوو (تەها) حوكمێكی قورستر بدرایەو بكرابایە پەند بۆ كەسانی تریش، بۆ ئەوەی جورئەت نەكەن تاوانی وەها گەورە بكەن.


تێبینی‌: ته‌واوی‌ ئه‌م چیرۆكه‌ له‌سایتی‌‌ گوڵانه‌وه‌ وه‌رگیراوه‌

ئه‌و ژنه‌ی‌ به‌خیانه‌ت دوو منداڵی‌ له‌ شووبراكه‌ی‌ هه‌بوو مرد
20.05.2008

ژنێك دوو منداڵی‌ له‌ شووبراكه‌ی‌ ده‌بێت‌و خۆی‌ ده‌سووتێنێت، پاشتر دادوه‌ر به‌تۆمه‌تی‌ خیانه‌تی‌ زه‌وجی‌ دۆسییه‌ی‌ لێكۆڵینه‌وه‌ی‌ بۆ ده‌كاته‌وه‌‌و پاش ده‌رچوونی‌ له‌نه‌خۆشخانه‌، بێ ئه‌وه‌ی‌ پۆلیس ئیفاده‌ی‌ لێوه‌ربگرێت، ده‌مرێت‌و به‌بێ توێكاریكردنی‌ جه‌سته‌كه‌شی‌، ئه‌سپه‌رده‌ی‌ خاك ده‌كرێت.

له‌ژماره‌ (110)ی‌ ئاوێنه‌دا، دیداری‌ ژنێك بڵاوكراوه‌ته‌وه‌، كه‌ ناوی‌ هه‌ورینه‌‌و به‌دانپێدانانی‌ خۆی‌، له‌ شووبراكه‌ی‌ دوو مناڵی‌ هه‌بووه‌‌و دواتر پاش ئاشكرابوونی‌، خۆی‌ سووتاندووه‌‌و براوه‌ته‌ نه‌خۆشخانه‌. دوای‌ شه‌ست‌و یه‌ك رۆژیش له‌چاره‌سه‌ركردن، هه‌ورین له‌نه‌خۆشخانه‌ی‌ ئێمرجنسی‌ هه‌ولێر راده‌ستی‌ به‌ڕێوه‌به‌رایه‌تی‌ پۆلیسی‌ كۆیه‌ كراوه‌ته‌وه‌‌و، ته‌نها دوای‌ چوار رۆژ مانه‌وه‌، له‌ زیندانی‌ كۆیه‌، دواجار به‌بێ‌ ئه‌وه‌ی‌ هیچ ئیفاده‌یه‌كی‌ له‌ پۆلیسی‌ كۆیه‌ لێوه‌ربگیرێت، گیانی‌ له‌ده‌ستدا.
به‌پێی‌ راپۆرتێكی‌ پزیشكی‌، هه‌ورین به‌هۆی‌ وه‌ستانی‌ هه‌ردوو گورچیله‌ی‌‌و ژه‌هراوی‌ بوونی‌ خوێنه‌كه‌یه‌وه‌، گیانی‌ له‌ ده‌ستداوه‌. دكتۆرێكی‌ پسپۆڕیش ئاماژه‌ به‌وه‌ ده‌كات كه‌ "پێویست بوو ته‌شریحی‌ بۆ بكرێت"، چونكه‌ مه‌سه‌له‌كه‌ په‌یوه‌ندی‌ به‌ پۆلیس‌و زیندانه‌وه‌ هه‌یه‌، ئه‌م دكتۆره‌ كه‌ نه‌یویست ناوه‌كه‌ی‌ بڵاوبكرێته‌وه‌، زیاتر روونیكرده‌وه‌و وتی‌ "له‌حاڵه‌تی‌ ئاوادا، ته‌نها به‌ ته‌شریح ده‌توانی‌ هۆكاری‌ مردنه‌كه‌ی‌ به‌ سه‌دا سه‌د وه‌ربگریت".
به‌ڕێوه‌به‌ری‌ پۆلیسی‌ كۆیه‌، عه‌قید ره‌شاد ره‌فیق مسته‌فا، ئاماژه‌ به‌وه‌ ده‌دات كه‌ (هه‌ورین) له‌ 4/4 به‌ ته‌ندروستییه‌كی‌ زۆر خراپ ته‌سلیمی‌ كۆیه‌ كراوه‌ته‌وه‌. جه‌ختیش له‌سه‌ر ئه‌وه‌ ده‌كاته‌وه‌، هه‌ر ئه‌و باره‌ خراپه‌ش بۆته‌ هۆی‌ ئه‌وه‌ی‌ نه‌توانرێت ئیفاده‌ی‌ لێوه‌ربگیرێت، ده‌ڵێت "سوتانه‌كه‌ی‌ رزاندبوویه‌وه‌و نوزه‌ی‌ نه‌ده‌هات‌و بۆنێكی‌ ناخۆشی‌ لێده‌هات. ئه‌و ژنه‌ی‌ كه‌ له‌گه‌ڵی‌ له‌زیندان بوو، ئێستاش ناوێرێت بچێته‌ ژووره‌كه‌ی‌". هه‌روه‌ك وتیشی‌ "ئه‌گه‌ر هه‌رشتێك له‌گه‌ڵ ئه‌و ژنه‌ كرابێت، له‌ هه‌ولێر له‌گه‌ڵی‌ كراوه‌، چونكه‌ لێره‌ هیچ كه‌سێك نه‌هاتۆته‌ سه‌ردانی‌".
به‌ڵام هاوڕێ‌ عه‌بدولحه‌مید كه‌ یه‌كێكه‌ له‌و دوو پۆلیسه‌ی‌ كه‌ بۆ یه‌كه‌مجار (هه‌ورین)یان له‌ نه‌خۆشخانه‌ی‌ هه‌ولێر وه‌رگرتۆته‌وه‌، ئاماژه‌ به‌وه‌ ده‌كات كه‌ هه‌ورین به‌ پای‌ خۆی‌ سواری‌ ئۆتۆمبێل بووه‌و له‌ ڕێگا داوای‌ خواردنی‌ كردووه‌و ته‌ندروستی‌ زۆر باش بووه‌ "هه‌ورین وتی‌ با كه‌مێَك به‌ پێ بڕۆم، بۆ له‌شم باشه‌".
سه‌رچاوه‌یه‌كی‌ به‌رپرس له‌ نه‌خۆشخانه‌ی‌ ئێمرجنسی‌، جه‌خت له‌وه‌ ده‌كاته‌وه‌ كه‌ هه‌ورین، رێژه‌ی‌ سوتانه‌كه‌ی‌ 29% بووه‌و ترسی‌ مردنی‌ نه‌بووه‌. هۆكاری‌ ته‌سلیم كردنه‌وه‌كه‌شی‌ ئه‌وه‌ بووه‌، كه‌ به‌ره‌و چاكبوونه‌وه‌ رۆشتووه‌. وتیشی‌ "له‌ئێمرجنسی‌ نه‌شته‌رگه‌ری‌ ته‌لقیع جلدی‌ بۆكراوه‌، هه‌ركه‌سێك له‌ سوتان ئه‌و نه‌شته‌رگه‌ریه‌ی‌ بۆ بكرێت، كه‌واته‌ ته‌ندروستی‌ له‌و په‌ڕی‌ باشیدایه‌، چونكه‌ نه‌شته‌رگه‌رییه‌كه‌ی‌ بریتی‌ بووه‌ له‌ لێكردنه‌وه‌ی‌ پێست‌و دانانه‌وه‌ی‌ له‌و شوێنانه‌ی‌ كه‌ چاڵی‌ تێكه‌وتووه‌، ته‌نانه‌ت چاره‌سه‌ری‌ ده‌روونیشی‌ بۆ كراوه‌، چونكه‌ باری‌ ده‌روونی‌ باش نه‌بووه‌".
سه‌رچاوه‌كه‌ی‌ ئێمرجنسی‌، قسه‌كانی‌ به‌ڕێوه‌به‌ری‌ پۆلیسی‌ كۆیه‌ ره‌تده‌كاته‌وه‌و ئاماژه‌ به‌وه‌ ده‌كات كه‌ هه‌ورین له‌ 4/4 جگه‌ له‌وه‌ی‌ ته‌ندروستی‌ زۆر باشبووه‌، داواشی‌ لێكراوه‌ هه‌ر سێ‌ رۆژ جارێك سه‌ردانی‌ ئێمرجنسی‌ بكاته‌وه‌ بۆ چاره‌سه‌ری‌ سروشتی‌، به‌ڵام دوای‌ سێ‌ رۆژو له‌ 7/4 كاتێك ده‌گه‌ڕێته‌وه‌و شان‌و ملی‌ برینی‌ پێوه‌ دیارده‌بێت.
به‌پێی‌ نوسراوه‌كانی‌ ناو فایله‌كه‌ی‌ هه‌ورین، له‌نه‌خۆشخانه‌، ئاماژه‌ به‌وه‌ كراوه‌ كه‌  له‌ 7/4 كاتێك كه‌ پۆلیس بۆ نه‌خۆشخانه‌یان گه‌ڕاندۆته‌وه‌، به‌ڕێوه‌به‌رایه‌تی‌ پۆلیسی كۆیه‌، داوای‌ كردووه‌ كه‌ نه‌خۆشه‌كه‌ بمێنێته‌وه‌ "چونكه‌ ئه‌م هاتووچۆیه‌ زه‌حمه‌ته‌"، به‌ڵام ته‌نها شه‌وێك ده‌مێنێته‌وه‌و به‌یانییه‌كه‌ی‌ دكتۆرێك له‌ ئێمرجنسی‌ به‌ پۆلیسه‌كاندا ده‌ینێرێته‌وه‌ "چونكه‌ حاڵه‌تی‌ باشه‌" (ئه‌مه‌ش هه‌ر به‌پێی‌ نوسراوه‌كانی‌ ناو فایله‌كه‌). هه‌روه‌ها باس له‌وه‌شكراوه‌ ئه‌وكاته‌ی‌ كه‌ جارێكی‌ تر ده‌گه‌ڕێنرێته‌وه‌ بۆ كۆیه‌، دوای‌ یه‌ك كاتژمێر گیانی‌ له‌ ده‌ستده‌دات.
به‌پێی‌ دیمانه‌ی‌ ئاوێنه‌ له‌گه‌ڵ هه‌ورین‌و به‌پێی‌ زانیارییه‌كانی‌ نێو دۆسییه‌كه‌ی‌، كاتێك هه‌ورین، لای‌ مێرده‌كه‌ی‌ دانبه‌وه‌دا ده‌نێت كه‌ هه‌ردوو مناڵه‌كه‌ی‌ له‌ شوبراكه‌یه‌تی‌، یه‌كسه‌ر به‌ هۆی‌ نه‌وتی‌ سۆپاوه‌ خۆی‌ سووتاندووه‌. بۆیه‌ له‌ كه‌یسی‌ ناوبراو، دادوه‌ر به‌ تۆمه‌تی‌ (خیانه‌تی‌ زه‌وجی‌) به‌ ماده‌ی‌ 377 بڕیاری‌ ده‌سگیركردنی‌ هه‌ورینی‌ ده‌ركردووه‌.
به‌ڕێوبه‌ری‌ به‌دواداچونی‌ توندوتیژی‌ دژ به‌ ئافره‌تان له‌ دیوانی‌ وه‌زاره‌تی‌ هه‌رێم بۆ كاروباری‌ ناوخۆ، ئاری‌ ره‌فیق، له‌ لێدوانێكیدا بۆ ئاوێنه‌، روونیكرده‌وه‌ كه‌ كه‌یسی‌ هه‌ورین، به‌ شێوه‌یه‌كی‌ یاسایی‌ راده‌ستی‌ پۆلیسی‌ كۆیه‌ كراوه‌ته‌وه‌، چونكه‌ دادگای‌ لێكۆڵینه‌وه‌ی‌ كۆیه‌ به‌ ره‌سمی‌ داوای‌ له‌ دادگای‌ لێكۆڵینه‌وه‌ی‌ هه‌ولێر كردووه‌ كه‌ ناوبراو ته‌سلیم به‌ كۆیه‌ بكرێته‌وه‌. ئاری‌ ره‌فیق، له‌ درێژه‌ی‌ لێدوانه‌كه‌یدا ئاماژه‌ی‌ به‌وه‌دا كه‌ نه‌خۆشخانه‌ی‌ ئێمرجنسی‌، ئه‌گه‌ر له‌ حاڵه‌تی‌ ته‌ندروستی‌ نه‌خۆش ته‌واو دڵنیانه‌بن، كه‌ شایه‌نی‌ چوونه‌ ده‌ره‌وه‌یه‌، به‌ هیچ شێوه‌یه‌ك نه‌خۆش ته‌سلیم ناكه‌ن، وتیشی‌ "دڵنیام كه‌ رۆشتووه‌ ته‌ندروستی‌ زۆر باشبووه‌، به‌ڵام چۆن دوای‌ چوار رۆژ له‌ زیندانی‌ كۆیه‌ گیانی‌ له‌ ده‌ستداوه‌، ئه‌مه‌ مه‌سه‌له‌یه‌كه‌ په‌یوه‌ندی‌ به‌ ئێمه‌وه‌ نیه‌".
به‌ڕێوه‌به‌ری‌ پۆلیسی‌ كۆیه‌ش له‌لایه‌ن خۆیه‌وه‌، ئاماژه‌ به‌و راپۆرته‌ پزیشكیه‌ ده‌كات كه‌ له‌سه‌ر مردنی‌ هه‌ورین، نوسراوه‌، وه‌كو به‌ڵگه‌یه‌كی‌ یه‌كلاكه‌ره‌وه‌ش وه‌سفی‌ ده‌كات‌و ده‌شڵێت "ئه‌گه‌ر هه‌ر گومانێك له‌ كوشتنی‌ هه‌یه‌، با حكومه‌ت بڕیاری‌ هه‌ڵدانه‌وه‌ی‌ گۆڕه‌كه‌ی‌ بدات‌و پشكنینی‌ بۆ بكرێته‌وه‌. هه‌ر ژه‌هرێكیشی‌ ده‌رخوارد درا بێت، ئه‌وا له‌ كۆیه‌ نه‌بووه‌، چونكه‌ لای‌ ئێمه‌ هیچ كه‌س نه‌هاتۆته‌ لای‌".
شایانی‌ باسه‌، هه‌ورین، له‌دیداره‌كه‌ی‌ له‌گه‌ڵ ئاوێنه‌دا، ئاماژه‌ی‌ به‌وه‌كرد كه‌ شووبراكه‌ی‌ ده‌مانچه‌ی‌ خستۆته‌ سه‌ری‌‌و ته‌عه‌دای‌ جنسی‌ لێكردووه‌. به‌گوێره‌ی‌ زانیاریه‌كانی ئاوێنه‌ش، هه‌تاكو ئێستا پیاوه‌كه‌ ده‌ستگیر نه‌كراوه‌.
تێبینی‌: له‌به‌ر هه‌ندێك هۆكاری‌ كۆمه‌ڵایه‌تی‌‌و یاسایی‌، ناوی‌ ئه‌م ژنه‌ به‌خوازراو دانراوه‌‌و ناوی‌ راسته‌قینه‌ی‌ پارێزراوه‌

ئاوێنه

ته‌نها له‌ماوه‌ی‌ 10 ڕۆژدا، 14 ئافره‌ت له‌كوردستان ده‌كوژرێن
14.05.2008

له‌ماوه‌ی‌ ده‌ رۆژی‌ رابردودا له‌شوێنه‌ جیاجیاكانی‌ كوردستان، حه‌وت ئافره‌ت خۆیان كوشتووه‌‌و حه‌وتی‌ تریش كوژراون‌و حه‌ڤده‌ی‌ تریش بریندار بوون. له‌دوا ده‌ستدرێژیدا له‌سلێمانی‌ چه‌كدارێك ته‌قه‌ له‌ رێكخراوی‌ ئاسوده‌ ده‌كا‌و ئافره‌تێك به‌خه‌ستی‌ بریندار ده‌كات.

په‌یامنێرانی‌، ئاوێنه‌: به‌پێی‌ ئامارێك كه‌ ده‌ست رۆژنامه‌ی‌ ئاوێنه‌ كه‌وتووه‌، له‌و چوارده‌ ئافره‌ته‌ حه‌وتیان دوای‌ فشارێكی‌ زۆر له‌لایه‌ن كه‌سوكاریانه‌وه‌ له‌سه‌ر كێشه‌ی‌ شووكردن خۆیان كوشتووه‌، شه‌شی‌ تریان به‌هۆی‌ تۆمه‌تی‌ خیانه‌تی‌ زه‌وجی‌و كێشه‌ی‌ كۆمه‌ڵایه‌تییه‌وه‌ له‌لایه‌ن كه‌سوكاریانه‌وه‌ كوژراون.
به‌پێی‌ ئاماره‌كه‌، ئه‌وانه‌ی‌ خۆیان كوشتووه‌ له‌ڕێگه‌ی‌ خواردنی‌ رێژه‌یه‌كی‌ زۆر له‌داوده‌رمان‌و خۆخنكاندن‌و خۆسووتاندنه‌وه‌ بووه‌. كوژراوه‌كانیش له‌ڕێگه‌ی‌ چه‌كی‌ كڵاشینكۆف‌و ده‌مانچه‌و چه‌قۆ‌و خۆخنكاندنه‌وه‌، گیانیان له‌ده‌ست داوه‌.
سنوری‌ تاوانه‌كان له‌قه‌زای‌ زاخۆوه‌ ده‌ستپێده‌كات‌و بۆ هه‌ولێر‌و سلێمانی‌ تا ناوچه‌ی‌ گه‌رمیان، زۆرترین رێژه‌ی‌ ئه‌م تاوانانه‌ش له‌سنوری‌ هه‌ولێرو دهۆك‌و سۆراندا تۆمار كراون.
له‌ماوه‌ی‌ ئه‌م ده‌ رۆژه‌دا، له‌سنوری‌ شاری‌ دهۆك یانزه‌ ئافره‌ت هه‌وڵی‌ خۆكوشتنیان داوه‌، له‌ڕێگه‌ی‌ په‌نابردنه‌ به‌ر خۆسوتاندن‌و ئاگر له‌خۆبه‌ردانه‌وه‌، كه‌ پێنجیان رێژه‌ی‌ سووتاوییه‌كه‌یان له‌ سه‌روو 50%وه‌یه‌‌و ژیانیان له‌مه‌ترسیدایه‌.
ئه‌مه‌ له‌كاتێكدایه‌ كه‌ ته‌نها له‌چوار مانگی‌ سه‌ره‌تای‌ ئه‌مساڵ‌ (2008)دا، په‌نجا ژن له‌سنووری‌ شاری‌ سلێمانیدا سوتاون‌و گیانیان له‌ده‌ست داوه‌، سێ‌ ژنیش دراونه‌ته‌ به‌ر ده‌ستدڕێژی‌ گولله‌و كوژراون، هه‌شت ژنیش له‌ڕێگه‌ی‌ په‌ت‌و ده‌سته‌وه‌ خنكێندراون.
له‌دوا په‌لاماریشدا له‌شاری‌ سلێمانی‌ شه‌وی‌ 11-12/5 چه‌كدارێك ده‌چێته‌ سه‌ر رێكخراوی‌ ئاسوده‌‌و ژنێك ده‌داته‌ به‌رگولله‌‌و به‌خه‌ستی‌ برینداری‌ ده‌كات.
 
به‌رێوه‌به‌ری‌ رێكخراوه‌كه‌، خانم ره‌حیم ئاماژه‌ی‌ بۆ به‌رزبوونه‌وه‌ی‌ ئاستی‌ توندوتیژی‌ كرد له‌كوردستاندا‌و وتی‌ "هه‌ستده‌كرێت له‌م ماوه‌یه‌ی‌ دوایدا توندوتیژی‌ دژی‌ ژنان له‌هه‌ڵكشانه‌یه‌‌و ئه‌م ده‌ستدرێژیه‌ له‌لایه‌كه‌وه‌ مه‌ترسی‌ ئه‌وه‌ی‌ هه‌یه‌ دووباره‌ بێته‌وه‌، له‌لایه‌كی‌ تریشه‌وه‌ ببێته‌ هۆكاری‌ نه‌مانی‌ متمانه‌ لای‌ ئه‌و ژنانه‌ی‌ په‌نا ده‌به‌نه‌ به‌ر رێكخراوه‌كان بۆ پاراستنیان". ناوبرا‌و جه‌ختی‌ له‌سه‌رئه‌وه‌ كرده‌وه‌ كه‌ پاراستنی‌ ئه‌و ژنانه‌ ئه‌ركی‌ سه‌رشانی‌ حكومه‌ته‌، پێش رێكخراوه‌كان".
كه‌مال ئه‌بوبه‌كر كه‌ یه‌كێك بوو له‌پاسه‌وانانی‌ پاراستنی‌ بیناكه‌یه‌‌ به‌ ئاوێنه‌ی‌ راگه‌یاند "كه‌ گوێم له‌ته‌قه‌و گرمه‌كه‌ بوو توشی‌ شۆك بووم، كاتێك چوومه‌ نێو بیناكه‌ بینیم ئافره‌ته‌ ته‌قه‌ لێكراوه‌كه‌ له‌نێو خوێندا ده‌گه‌وزێت".

له‌مێرده‌كه‌م كرد؟
12.05.2008

شیلان كه‌ هێشتا ته‌مه‌نی‌ نه‌گه‌شتۆته‌ 20ساڵ، خاوه‌نی‌ كچێكی‌ ته‌مه‌ن یه‌ك ساڵ‌و نیوه‌‌و به‌حه‌سره‌ته‌وه‌ باسی‌ ئه‌‌و ساتانه‌ی‌ ده‌كرد، كه‌ مێرده‌كه‌ی‌ جگه‌ له‌لێدان‌و ئازاری‌ جه‌سته‌ی‌، ئازارێكی‌ زۆری‌ ده‌روونیشی‌ داوه‌‌و ده‌ڵێت "سه‌ره‌ڕای‌ ئه‌وه‌ی‌ هه‌میشه‌ به‌ سه‌رخۆشی‌ ده‌هاته‌وه‌ ماڵه‌وه‌، له‌به‌رچاویشمدا بێباكانه‌ قسه‌ی‌ له‌گه‌ڵ دۆسته‌كانیدا ده‌كرد".

"مێرده‌كه‌م خیانه‌تی‌ زه‌وجی‌ ئه‌كرد بۆیه‌ منیش فێربووم"

"هه‌میشه‌ مێرده‌كه‌م به‌ سه‌رخۆشی‌ ئه‌هاته‌وه‌‌و له‌به‌رچاوی‌ مندا، دوو دوو كارتی‌ داخڵ ئه‌كرد‌و له‌گه‌ڵ دۆسته‌كانیدا قسه‌ی‌ ئه‌كرد، كه‌ پرسیاریشم لێئه‌كرد، تێیهه‌ڵئه‌دام. دایك‌و باوك‌و براكانیشی‌ ئه‌یانزانی‌، به‌ڵام هه‌ر بۆیان ئه‌پۆشی‌. ئه‌مه‌ش رۆژ به‌رۆژ بێزاری‌ ئه‌كردم، بۆ ئه‌وه‌ی‌ منیش حه‌قی‌ لێ بكه‌مه‌وه‌، په‌یوه‌ندیم له‌گه‌ڵ برای‌ كچه‌كه‌ی‌ دراوسێماندا به‌ست، به‌ڵام نه‌مزانی‌ كه‌ ئاشكرا ئه‌بێت"
ئه‌مه‌ قسه‌ی‌ شیلانه‌، كه‌ ژنێكی‌ ئه‌سمه‌ری‌ قژ درێژه‌‌و له‌دوای‌ ئه‌وه‌ی‌ مێرده‌كه‌ی‌ زانیویه‌تی‌ په‌یوه‌ندی له‌گه‌ڵ كوڕێكی‌ تردا هه‌یه‌‌و كوڕه‌كه‌ مۆبایلی‌ بۆ كڕیوه‌. ناچاری‌ كردووه‌ كوڕه‌كه‌ به‌فێڵ بهێنێته‌ ماڵه‌وه‌‌و ده‌ڵێت مێرده‌كه‌م پێیوتم "گه‌ر ئه‌و كوڕه‌ به‌ فێڵ نه‌هێنیته‌ ماڵه‌وه‌، ئه‌وا سبه‌ینێ‌ ته‌عزێی‌ خۆت ئه‌بێت"، ئه‌وه‌شی‌ وه‌هایكردووه‌ شیلان له‌م هه‌ڕه‌شه‌یه‌ بترسێت، ئه‌ویه‌ كه‌ "مێرده‌كه‌ی‌ رۆژی‌ پێشوو ده‌مانچه‌ی‌ كڕی‌و له‌گه‌ڵ براكه‌یدا پلانی‌ كوشتنیان دانا".
شیلان ئه‌وه‌شی‌ گێڕایه‌وه‌ كه‌ چه‌ندین جار مێرده‌كه‌ی‌ ئاگاداركردۆته‌وه‌، به‌ڵام هیچ گوێی‌ به‌‌و شتانه‌ نه‌داوه‌‌و ده‌ڵێت "وه‌ك ئاژه‌ڵ ته‌ماشای‌ ده‌كردم، ئه‌وه‌ی‌ حه‌زم لێبوایه‌ نه‌یده‌كرد، خۆی‌ دوكانی‌ مۆبایل فرۆشتنی‌ هه‌یه‌‌و دوو ساڵ لێی‌ پاڕامه‌وه‌ مۆبایلی‌ بۆ نه‌هێنامه‌وه‌، بۆیه‌ كه‌ په‌یوه‌ندیم له‌گه‌ڵ مه‌ریواندا به‌ست، یه‌كه‌م شت مۆبایلی‌ بۆ كڕیم‌و به‌ دزییه‌وه‌ بۆی‌ ناردم".
شیلان چه‌ند مانگێك به‌ر له‌ ئێستا، به‌تۆمه‌تی‌ خیانه‌تی‌ زه‌وجی‌ ده‌ستگیركرا‌وه‌، مێرده‌كه‌شی‌ شایه‌ته‌ له‌سه‌ری‌‌و خۆشی‌ نكۆڵی‌ له‌وه‌ناكات كه‌ خیانه‌تی‌ كردبێت‌و به‌ ئاشكرا دانی‌ پیاده‌نێت، به‌ڵام خۆی‌ به‌گوناهبار نازانێت‌و ده‌ڵێت "مێرده‌كه‌م به‌دمه‌ست بوو، په‌یوه‌ندی‌ له‌گه‌ڵ ژن‌و كچی‌ تردا هه‌بوو، لێی‌ ئه‌دام‌و سوكی‌ ئه‌كردم‌و دڵی‌ پیس بوو. ئیتر هه‌موو ئه‌وانه‌ كۆبوونه‌وه‌‌و وایلێكردم بگه‌ڕێم به‌دوای‌ كه‌سێكی‌ تردا".
هه‌رچه‌نده‌ شیلان‌و مێرده‌كه‌ی‌ له‌ 16ساڵییه‌وه‌ یه‌كتریان خۆشویستووه‌و پاش ساڵێك له‌به‌ر رازی‌ نه‌بوونی‌ ماڵی‌ باوكی‌ شیلان "چه‌ندین جار پێكه‌وه‌ رۆشتوونه‌ته‌ ده‌ره‌وه‌‌و پێكه‌وه‌ ماونه‌ته‌وه‌، تاشووی‌ پێكردووه‌". شیلان باسی‌ له‌وه‌شكرد كه‌ بۆیه‌ باوكی‌ نه‌یئه‌دا به‌م مێرده‌ی‌ ئێستای‌، ئه‌یوت ناشایسته‌‌و لاموبالات‌و هه‌میشه‌ سه‌رخۆشه‌‌و "دوای‌ ئه‌وه‌ی‌ باوكم 1500دۆلاری‌ لێسه‌ندن‌و یه‌كێتی‌ ژنان ته‌ده‌خولیان كرد، ئه‌وجا من شووم به‌ مه‌ریوان كرد".
شیلان، هه‌ر له‌سه‌ره‌تای‌ ته‌مه‌نیه‌وه‌، دایكی‌ له‌ده‌ستداوه‌‌و له‌مناڵیدا بۆ رزگاربوون له‌ده‌ستی‌ باوه‌ژنه‌كه‌ی‌، رایكردۆته‌ ماڵی‌ براكه‌ی‌‌و له‌وێ‌ ئه‌‌و كوڕه‌ی‌ ناسیوه‌، كه‌ ئێستا شووی‌ پێكردوه‌، به‌ڵام پاش گه‌شتنی‌ به‌ خۆشه‌ویسته‌كه‌ی‌‌و بوونی‌ به‌ دایك، هێشتا ئه‌‌و بێنازییه‌ی‌ ماڵه‌ باوكی‌‌و ناسۆری‌ بێ دایكی‌ هه‌رپێوه‌ دیاره‌‌و زوو زوو فرمێسك به‌چاوه‌كانیدا ده‌هاته‌ خواره‌وه‌‌و باسی‌ ئه‌‌و ساتانه‌ی‌ ده‌كرد كه‌ له‌ته‌مه‌نی‌ پێنج ساڵیدا بووه‌ كه‌وتۆته‌ ژێر ده‌ستی‌ باوه‌ژن‌و هه‌ر سێ‌ براكه‌ی‌، هه‌ریه‌كه‌یان په‌رته‌وازه‌ی‌ لایه‌ك بوون‌و شیلان‌و خوشكه‌كه‌شی‌ لای‌ باوه‌ژنه‌كه‌یان ماونه‌ته‌وه‌، تا ئه‌‌وكاته‌ی‌ براكه‌ی‌ ژنی‌ هێناوه‌‌و هێناونی‌ بۆ لای‌ خۆی‌. به‌ڵام به‌قسه‌ی‌ خۆی‌، له‌ماڵی‌ براكه‌شی‌ هه‌میشه‌ وێڵی‌ ئامێز‌و ماڵێك بووه‌ كه‌ خۆشه‌ویستی‌ تیا بدۆزێته‌وه‌‌و خه‌مڕه‌وێنی‌ ئه‌‌و ساتانه‌ی‌ مناڵی‌ بێت، كه‌ بێبه‌ش بووه‌ له‌سۆز‌و نازی‌ دایكایه‌تی‌ "كاتێ ئه‌م مێرده‌ی‌ ئێستام، خۆشه‌ویستی‌ بۆ ده‌رده‌بڕیم، وام ئه‌زانی‌ كه‌س نییه‌ له‌‌و باشتربێت‌و كاتێكیش وتی‌ باپێكه‌وه‌ هه‌ڵبێین، خێرا رازی‌ بووم".
دوای‌ منداڵێك‌و چه‌ندین مانگ پێكه‌وه‌ ژیان، ئێستا شیلان زۆر په‌شیمانه‌ له‌‌و هه‌موو متمانه‌یه‌ی‌ به‌رامبه‌ر مێرده‌كه‌ی‌ هه‌یبووه‌‌و توشی‌ ئه‌‌و هه‌موو كێشه‌یه‌ی‌ كردووه‌‌و ده‌ڵێت "پاش ئه‌‌و هه‌موو خۆشه‌ویستیه‌، هه‌ر زوو خیانه‌تی‌ لێكردم. چه‌ندین جار وێنه‌ی‌ رووتی‌ ئه‌و كچانه‌م له‌ مۆبایله‌كه‌یدا گرتووه‌ كه‌ له‌گه‌ڵیاندا سێكسی‌ كردووه‌‌و ته‌سویری‌ كردووه‌، به‌ڵام ئه‌‌و حاشای‌ لێئه‌كرد‌و كه‌ پێمئه‌وت، لێی‌ ئه‌دام". شیلان، دوای‌ بینینی‌ ئه‌و وێنانه‌، توشی‌ شۆك بووه‌‌و ئه‌وه‌شی‌ گێڕایه‌وه‌ كه‌ شه‌وێك مێرده‌كه‌ی‌ به‌ سه‌رخۆشی‌ هاتۆته‌وه‌‌و یه‌كسه‌ر نووستووه‌‌و ده‌ڵێت "كه‌ سه‌یری‌ مۆبایله‌كه‌یم كرد، وێنه‌ی‌ تری‌ تیابوو، ئیتر منیش گوێم نه‌دا به‌ مێرده‌كه‌م‌و مناڵه‌كه‌م. كاتێك برای‌ ئه‌و كچه‌ی‌ دراوسێمان داوای‌ خۆشه‌ویستی‌ لێكردم‌و مۆبایلی‌ بۆ كڕیم، رازی‌ بووم. نه‌شمزانی‌ ئاشكراده‌بین".
شیلان، هه‌رگیز چاوه‌ڕوان نه‌بووه‌ په‌یوه‌ندیه‌كه‌یان ئاشكرا بێت، به‌ڵام رۆژێك ته‌له‌فۆن بۆ دۆستێكی‌ مێرده‌كه‌ی‌ ده‌كات‌و ئه‌ویش لای‌ مێرده‌كه‌ی‌ ئاشكرای‌ ده‌كات، كه‌ مۆبایلی‌ هه‌یه‌‌و ده‌ڵێت "كه‌ گوشاری‌ بۆ هێنام، ئاشكرام كرد كه‌ مه‌ریوان مۆبایلی‌ بۆ كڕیوم". به‌قسه‌ی‌ شیلان، له‌دوای‌ ئه‌مه‌شه‌وه‌ مێرده‌كه‌ی‌ زۆری‌ لێداوه‌‌و "ده‌مانچه‌ی‌ كڕی‌‌و وتی‌ ئه‌بێت مه‌ریوان به‌فێڵ بێنیته‌ ماڵه‌وه‌‌و هه‌ردووكتان ئه‌كوژم‌و ئه‌تان خه‌مه‌ بیری‌ حه‌وشه‌كه‌وه‌". به‌ڵام شیلان هه‌رچۆنێك بێت خۆی‌ ده‌رباز كردووه‌‌و گه‌شتۆته‌ یه‌كێك له‌ سه‌نته‌ره‌كانی‌ ژنان.
شیلان، ئێستا له‌زینداندا په‌نجه‌ی‌ په‌شیمانی‌ ئه‌گه‌زێت‌و سوێند ده‌خوات "مێرده‌كه‌م پاڵی‌ پێوه‌نام كاری‌ خراپ بكه‌م‌و زۆری‌ خیانه‌ت لێكردم‌و سه‌رخۆشیه‌كه‌ی‌ رێگه‌ی‌ بۆ خۆشكردم، بۆیه‌ من هه‌ر سزایه‌ك وه‌ربگرم، ده‌بێت ئه‌ویش وه‌ریگرێت".

"مێرده‌كه‌م خیانه‌تی‌ زه‌وجی‌ ئه‌كرد بۆیه‌ منیش فێربووم"
12.05.2008

هه‌میشه‌ مێرده‌كه‌م به‌ سه‌رخۆشی‌ ئه‌هاته‌وه‌‌و له‌به‌رچاوی‌ مندا، دوو دوو كارتی‌ داخڵ ئه‌كرد‌و له‌گه‌ڵ دۆسته‌كانیدا قسه‌ی‌ ئه‌كرد، كه‌ پرسیاریشم لێئه‌كرد، تێیهه‌ڵئه‌دام".

شیلان كه‌ 16 ساڵ مێرده‌كه‌ی‌ له‌خۆی‌ گه‌وره‌تره‌ به‌حه‌سره‌ته‌وه‌ باس له‌و كێشانه‌ ده‌كات كه‌ له‌ئه‌نجامی‌ خیانه‌تی‌ زه‌وجی‌ تێیكه‌وتووه‌. شیلان ده‌ڵێت"دایك‌و براكانی‌ مێرده‌كه‌م ده‌یانزانی‌ ئه‌و خیانه‌تم لێ‌ ده‌كات به‌ڵام هه‌ر بۆیان ئه‌پۆشی‌. ئه‌مه‌ش رۆژ به‌رۆژ بێزاری‌ ئه‌كردم، بۆ ئه‌وه‌ی‌ منیش حه‌قی‌ لێ بكه‌مه‌وه‌، په‌یوه‌ندیم له‌گه‌ڵ برای‌ كچه‌كه‌ی‌ دراوسێماندا به‌ست، به‌ڵام نه‌مزانی‌ كه‌ ئاشكرا ئه‌بێت". ئه‌مه‌ قسه‌ی‌ شیلانه‌، كه‌ ژنێكی‌ ئه‌سمه‌ری‌ قژ درێژه‌‌و له‌دوای‌ ئه‌وه‌ی‌ مێرده‌كه‌ی‌ زانیویه‌تی‌ په‌یوه‌ندی له‌گه‌ڵ كوڕێكی‌ تردا هه‌یه‌‌و كوڕه‌كه‌ مۆبایلی‌ بۆ كڕیوه‌. ناچاری‌ كردووه‌ كوڕه‌كه‌ به‌فێڵ بهێنێته‌ ماڵه‌وه‌‌و ده‌ڵێت مێرده‌كه‌م پێیوتم "گه‌ر ئه‌و كوڕه‌ به‌ فێڵ نه‌هێنیته‌ ماڵه‌وه‌، ئه‌وا سبه‌ینێ‌ ته‌عزێی‌ خۆت ئه‌بێت"، ئه‌وه‌شی‌ وه‌هایكردووه‌ شیلان له‌م هه‌ڕه‌شه‌یه‌ بترسێت، ئه‌ویه‌ كه‌ "مێرده‌كه‌ی‌ رۆژی‌ پێشوو ده‌مانچه‌ی‌ كڕی‌و له‌گه‌ڵ براكه‌یدا پلانی‌ كوشتنیان دانا".
سبه‌ینێ‌ سێشه‌ممه‌ كۆی‌ ئه‌م چیرۆكه‌ له‌لاپه‌ره‌ 16 رۆژنامه‌ی‌ ئاوێنه‌ ده‌خوێنیته‌وه‌

 داوا له‌ سه‌رۆكایه‌تی‌ هه‌رێم ده‌كرێت بكوژی‌ رۆژنامه‌نوس بێگه‌رد حوسێن ده‌ستگیربكرێت
23.04.2008

به‌یاننامه‌كه‌ وێنه‌یه‌كی ده‌ست ئاژانسی(ده‌نگه‌كانی عێراق) كه‌وتووه‌و ئاراسته‌ی هه‌ر یه‌ك له‌ سه‌رۆكایه‌تی هه‌رێم‌و په‌رله‌مان‌و حكومه‌تی‌ هه‌رێم كراوه‌‌و تیایدا راگه‌یه‌نراوه‌ كه‌ "پێویسته‌بكوژی ئه‌و ئافره‌ته‌ رۆژنامه‌نووسه‌ له‌رێگه‌ی‌ به‌ڕێوه‌به‌رایه‌تی پۆلیسی  به‌دواداچوونی دژ به‌ توندوتیژی به‌رامبه‌ر به‌ ئافره‌تان بدرێته‌ دادگا‌و لێپچینه‌وه‌ی‌ له‌گه‌لدا بكرێت."
 
 هه‌ر له‌ به‌یاننامه‌كه‌دا هاتووه‌ "ده‌زگا په‌یوه‌ندیدیاره‌كان له‌ به‌دواداچوونی كێشه‌كه‌‌و ده‌ستگیركردنی تۆمه‌تباره‌كه‌ كه‌مته‌رخه‌میان نواندووه‌."
شایانی باسه‌شه‌وی 18له‌سه‌ر19-4 رۆژنامه‌نووس بێگه‌رد حوسێن له‌ لایه‌ن هاوسه‌ره‌كه‌ی كه‌ ماوه‌یه‌كه‌ لێی جیابۆته‌وه‌ به‌چه‌قۆ كوژرا.
كه‌مپینی داكۆكیكردن له‌ مافه‌كانی ئافره‌تان له‌دوای‌ كوشتنی‌ رۆژنامه‌نوسی‌ ناوبراو له‌لایه‌ن 100 رێكخراوی‌ كۆمه‌ڵی‌ مه‌ده‌نی‌‌و ژنان‌و قوتابیان له‌شاری‌ هه‌ولێر پێكهێنراوه‌

ئه‌و كچه‌ی‌ له‌‌8ی‌ مارسدا ته‌رمه‌كه‌ی‌ دۆزرایه‌وه‌.. کێ کوشتی؟     
23.04.2008

پاسه‌وانی به‌رپرسێک به‌تۆمه‌تی کوشتن‌و ئه‌تککردنی کچه‌که‌ ده‌ستگیرده‌کرێت.

كادری‌ یه‌كێك له‌حیزبه‌ باڵا ده‌سته‌کانی‌ كوردستان، تۆمه‌تبار ده‌كرێت به‌وه‌ی‌ ده‌ستی‌ له‌كوشتنی‌ ئه‌و كچه‌دا هه‌یه‌، كه‌ له‌ڕۆژی‌ 8ی‌ مارسدا به‌ قۆڵبڕاویی‌‌و خنكاویی‌، جه‌سته‌ سوتاوه‌كه‌ی‌ له‌حاویه‌یه‌كی‌ خۆڵدا دۆزرایه‌وه‌. به‌ڕێوه‌به‌ری‌ نه‌هێشتنی‌ توندوتیژی‌ دژی‌ ژنان، عه‌قید نه‌ریمان‌ راگه‌یاند كه‌ �تائێستا بكوژی‌ سه‌ره‌كی‌ ئه‌م كچه‌ ده‌ستگیر نه‌كراوه‌، به‌ڵام دوو خوشك‌و دوو زاواو خۆشه‌ویستی‌ كچه‌ كوژراوه‌كه‌ ده‌ستگیر كراون�.

 به‌پێی‌ ئه‌و زانیارییانه‌ی ‌‌تر ‌ �نازه‌نین كارمه‌ندی بنكه‌ی گومرگی به‌ختیاری بوو، له‌گه‌ڵ ماڵی خوشكێكی ئه‌و كه‌سه‌ی‌ تۆمه‌تباره‌ به‌وه‌ی‌ ده‌ستی‌ هه‌بووبێت له‌ كوشتنه‌كه‌دا‌و ناوی‌ جوانه‌، پێكه‌وه‌ خانوویه‌كیان به‌كرێ‌ گرتووه‌و هه‌ریه‌كه‌و به‌ته‌نها له‌به‌شێكی‌ ئه‌و خانووه‌دا ژیاون�.

جوان، كارمه‌ندی‌ ده‌زگایه‌كی‌ حكومی‌ بووه‌، برایه‌كی‌ هه‌بووه‌ به‌ناوی‌ شوان، كه‌ جاروبار سه‌ردانی‌ ئه‌می‌ كردووه‌و له‌وێ‌ نازه‌نینی‌ ناسیوه‌و په‌یوه‌ندی‌ خۆشه‌ویستی‌ له‌گه‌ڵدا به‌ستووه‌‌و جوانیش ئاسانكاری‌ بۆ كردون.

 شوان، لێپرسراوی‌ حیمایه‌كانی‌ به‌رپرسێكی‌ حیزبییه‌‌و هه‌روه‌ها دوكانی‌ فیته‌ریشی‌ هه‌یه‌، به‌ڵام عه‌قید نه‌ریمان ده‌ڵێت �له‌كاتی‌ ده‌ستگیر كردنیدا ئه‌و به‌وه‌ خۆی‌ ناساندووه‌ كه‌ پیشه‌ی‌ دوكانداره‌�.

 به‌پێی‌ ئه‌و زانیارییانه‌ی‌ ده‌ستمان كه‌وتوون، دوای‌ ئه‌وه‌ی‌ ئاشنایه‌تی‌ نێوان شوان‌و نازه‌نین قوڵ‌ ده‌بێته‌وه‌، شه‌وێك پێكه‌وه‌ داده‌نیشن‌و ده‌خۆنه‌وه‌. له‌م دانیشتنه‌دا، شوان داوای‌ كاری‌ سێكسی‌ له‌نازه‌نین ده‌كات به‌بیانووی‌ ئه‌وه‌ی‌ دواتر ده‌یخوازێت‌و ده‌یكاته‌ هاوسه‌ری‌. نازه‌نینیش رازی ده‌بێت‌و ئه‌و شه‌وه‌ تا به‌یانی‌ پێكه‌وه‌ به‌سه‌ر ده‌به‌ن.

 هه‌ر به‌پێی‌ ئه‌م زانیارییانه‌، نازه‌نین‌و شوان له‌سه‌ر ئه‌وه‌ رێكده‌كه‌ون كه‌ له‌مانگی‌ ئازاری‌ 2008دا، ها‌وسه‌رگیری‌ بكه‌ن. به‌ڵام قه‌ده‌ری‌ ئه‌م كچه‌ وابوو كه‌ له‌سه‌ره‌تای‌ مانگی‌ ئازاردا له‌جیاتی‌ پۆشینی‌ به‌رگی‌ بێگه‌ردی‌ بوكێنی‌، كفنی‌ سپی‌ به‌یه‌كجاری‌ ده‌پۆشێت.

 سه‌رچاوه‌یه‌كی‌ ‌تر‌ راگه‌یاند كه‌ �نازه‌نین، ماڵی‌ باوكی‌ له‌ده‌ربه‌ندیخانه‌.

 ئه‌و به‌ته‌نها له‌سلێمانی‌ ده‌ژیاو جوانی خوشكی‌ شوانیش، زۆر هه‌وڵیده‌دا له‌شفرۆشی‌ پێوه‌ بكات، به‌بیانووی‌ ئه‌وه‌ی‌ كرێی‌ خانووی‌ پێنادرێت. به‌ڵام ئه‌و رازی‌ نابێ‌‌و ئیتر له‌وه‌ به‌دواوه‌ په‌نا ده‌باته‌ به‌ر ماڵی‌ خوشكێكی‌ خۆی‌ له‌به‌كره‌جۆ�.

 به‌ڵام سه‌ره‌ڕای‌ ئه‌وه‌ش شوان هه‌ر وازی‌ لێناهێنێت‌و چه‌ند جارێك سه‌ردانی‌ ده‌كات له‌ماڵی‌ خوشكه‌كه‌ی‌‌و نازه‌نینیش وا له‌خوشكه‌كه‌ی‌ ده‌گه‌یه‌نێت كه‌ پێكه‌وه‌ كارمه‌ندن له‌فه‌رمانگه‌‌و بۆ ئیش‌و كاری‌ دائیره‌كه‌ی‌ دێت. به‌قسه‌ی‌ ئه‌م سه‌رچاوه‌یه‌، نازه‌نین برایه‌كی‌ هه‌یه‌ كه‌ له‌ئێران ده‌ژی‌، ئه‌م برایه‌ی‌ به‌م په‌یوه‌ندییه‌ نهێنییه‌ی‌ نێوان خوشكه‌كه‌ی‌‌و شوان ده‌زانێت. له‌سه‌ره‌تای‌ ئه‌مساڵدا ئه‌م برایه‌ی‌ ده‌گه‌ڕێته‌وه‌ بۆ سلێمانی‌‌و كه‌ ئه‌م په‌یوه‌ندییه‌ گوماناوییه‌ی‌ لا ده‌بێته‌ یه‌قین، پلان داده‌نێ‌ بۆ ئه‌وه‌ی‌ شوان بكوژێت. به‌ڵام له‌به‌ر ئه‌وه‌ی‌ لای‌ به‌رپرسێكی‌ باڵا كارده‌كات، ئه‌و كاره‌ی‌ به‌لاوه‌ زه‌حمه‌ت ده‌بێ‌‌و بۆی‌ ئه‌نجام نادرێت.

 سه‌رچاوه‌كه‌ ده‌ڵێت �ماوه‌یه‌ك پێش كوشتنی، به‌ژماره‌یه‌كی سانا هه‌ڕه‌شه‌ی كوشتن له‌نازه‌نین ده‌كرێت‌و چه‌ند مه‌سیجێكی‌ هه‌ڕه‌شه‌‌و جنێوی ناشیرینی بۆ ده‌نێرێت.

 له‌نامه‌یه‌كیاندا باسی په‌یوه‌ندی ئه‌و كچه‌ له‌گه‌ڵ ئه‌و كوڕه‌ تۆمه‌تباره‌ ده‌كرێت. ئه‌م كچه‌ش له‌بنكه‌ی پۆلیسی به‌كره‌جۆ شكات له‌م ژماره‌یه‌ ده‌كات‌و كۆمپانیای ساناش ژماره‌كه‌ ده‌سوتێنێ�.

 پاش كوشتنی نازه‌نین، ماڵی خوشكه‌كه‌ی‌ له‌به‌كره‌جۆ چۆڵده‌كرێ‌‌و هه‌ڵدێن‌و براكه‌شی‌ كه‌ به‌وته‌ی‌ عه‌قید نه‌ریمان �بكوژی‌ سه‌ره‌كییه‌، تا ئیستا ده‌ستگیر نه‌كراوه‌�.

 سه‌رچاوه‌یه‌كی ‌‌تر‌ راگه‌یاند كه‌ �براكه‌ی‌ بكوژه‌كه‌یه‌و رۆشتۆته‌وه‌ بۆ ئێران، چونكه‌ چه‌ند ساڵێكه‌ له‌وێ‌ ئه‌ژی‌�.

 تێبینی‌: هه‌موو ئه‌و ناوانه‌ی‌ له‌م راپۆرته‌دا، ناوی‌ خوازراون‌و ناوی‌ راسته‌قینه‌ی‌ كه‌سه‌كان نین.

گۆڕی ئه‌و كچه‌ هه‌ڵده‌درێته‌وه‌ كه‌ له‌ئاغجه‌له‌ر به‌خنكێندراوی بێ ئاگاداری پۆلیس نێژرا
   23.04.2008

له شه‌وی 17/18-4 كچێكی ته‌مه‌ن 18 ساڵان له‌گوندی تلیان- ی سه‌ربه‌ناحیه‌ی ئاغجه‌له‌ر له‌ماڵه‌كه‌ی خۆیاندا خۆی خنكاندو بێ ئاگاداركردنه‌وه‌ی پۆلیس ته‌رمه‌كه‌ی له‌لایه‌ن كه‌سوكاره‌كه‌یه‌وه‌ نێژرا، به‌بڕیاری دادوه‌ری دادگای چه‌مچه‌ماڵ گۆڕی ئه‌و كچه‌كه‌ هه‌ڵده‌درێته‌وه‌ به‌مه‌به‌ستی لێكۆڵینه‌وه‌ له‌چۆنیه‌تی خۆكوشتنه‌كه‌ی.
مه‌مه‌د ره‌شید به‌ڕێوه‌به‌ری ناحیه‌ی ئاغجه‌له‌ر راگه‌یاند: ‌كچێك له‌ناحیه‌ی ئاغجه‌له‌ر خۆی خنكاندووه‌و كه‌سوكاره‌كه‌ی به‌بێ ئاگاداركردنه‌وه‌ی پۆلیس ته‌رمه‌كه‌یان ناشتووه‌، ئه‌مڕۆ 23/4 له‌لایه‌ن دادگای چه‌مچه‌ماڵه‌وه‌ بڕیاری هه‌ڵدانه‌وه‌ی گۆڕی ئه‌و كچه‌ درا،
 بۆئه‌وه‌ی ره‌وانه‌ی پزیشكی داداوه‌ریی سلێمانی بكرێت به‌مه‌به‌ستی لێكۆڵینه‌وه‌ له‌چۆنیه‌تی خۆ خنكاندنه‌كه‌ی.
ناوبراو وتیشی: بنكه‌ی پۆلیسی ئاغجه‌له‌ر لێكۆڵینه‌وه‌یان له‌گه‌ڵ دایك و باوكی كچه‌كه‌دا كردووه‌و بۆئه‌و مه‌به‌سته‌ش رێوشوێنی یاساییان گرتۆته‌به‌ر، ئێستاش دووهێزی هاوبه‌شی پۆلیسی چه‌مچه‌ماڵ و ئاغجه‌له‌ر به‌ئاماده‌بوونی دادوه‌ری دادگای چه‌مچه‌ماڵ سه‌رقاڵی هه‌ڵدانه‌وه‌ی گۆڕی كچه‌كه‌ن.

بكوژی‌ بێگه‌ردی‌ رۆژنامه‌نووس هه‌ڕه‌شه‌ی‌ كوشتن له‌كه‌سوكاره‌كه‌شی‌ ده‌كات
24-04-2008

دوای‌ ئه‌وه‌ی‌ شه‌وی‌18-19/4  له‌ شاری‌ هه‌ولێر بێگه‌ردی‌ حسَینی‌ رۆژنامه‌نووس له‌لایه‌ن محه‌مه‌دی‌ هاوسه‌ریی‌ به‌ چه‌قۆ له‌ ماڵه‌كه‌ی‌ كوژرا تا ئێستا ئه‌و بكوژه‌ ده‌ستگیر نه‌كراوه‌‌و ئێستاش هه‌ره‌شه‌ی‌ كوشتن له‌ كه‌س‌وكاری‌ بێگه‌ریشده‌كات.
مه‌حمود ساڵحی‌ زاوی‌ ماڵی‌ باوكی‌ بێگه‌رد به‌هاوڵاتی‌ راگه‌یاند دوای‌ ئه‌وه‌ی‌ بیستویه‌تی‌ كه‌ بێگه‌رد له‌لایه‌ن هاوسه‌ركه‌ی‌ كوژراوه‌ په‌یوه‌ندی به‌ محه‌مه‌د مسته‌فاوه‌ كردوه‌و پێی‌ وتوه‌ "بۆ  ئه‌و كاره‌ خراپه‌ت كرد‌وه‌ له‌ هه‌ر جێگه‌یه‌ك بتگه‌مێ‌ تۆڵه‌ی‌ بێگه‌ردت لێ‌ ده‌كه‌مه‌وه‌".
مه‌حمود زه‌ڵمی‌ وتی "به‌مه‌ش ئێستا رقی‌ له‌من داگرتوه‌‌و به‌ ته‌له‌فون هه‌ره‌شه‌ی‌ كوشتن له‌من ده‌كات‌و تا ئێستا دوو جار هاتۆته‌ سه‌رم، به‌ڵام له‌به‌ر ئه‌وه‌ی‌ من دوای‌ قسه‌كانی‌ ئه‌و زۆرم ئاگا له‌خۆمه‌ بۆیه‌ زه‌فه‌ری‌ پێنه‌بردووم".
 له‌باره‌ی‌ چۆنیه‌تی‌ هه‌ره‌شه‌كانی‌ محمه‌د مسته‌فاوه‌، محمودی‌ زاوای‌ ماڵی‌ بێگه‌ر باسی له‌وه‌كرد جارێك هاتوه‌ته‌ به‌رامبه‌ر دوكانه‌ی‌ و به‌ته‌له‌فۆن پێی‌ وتوه‌ "مه‌جالم هه‌بێ‌ ده‌زانی‌ چیت لێده‌كه‌م".
مه‌حمود زه‌ڵمی‌ وتی‌ "دوێنێ شه‌و خێزانه‌كه‌م برده‌ ماڵی‌ باوكی‌، ویستم برۆمه‌وه‌ بۆ ماڵه‌وه‌ ئاوه‌ڵزاوه‌یه‌كم نه‌یهێشت، دواتر محه‌مه‌د مسته‌فا ته‌له‌فونی‌ بۆكردم پێی‌ وتم شه‌و چوومه‌ته‌ ماڵتان ئاویشم خواردوه‌ته‌وه‌، به‌ڵام له‌ماڵ نه‌بویت ئه‌گینا ده‌مكوشتیت".
ناوبراو وتیشی‌ "بكوژه‌كه‌ ته‌له‌فونی‌ كردووه‌ بۆ ئاوه‌ڵزاوایه‌كی‌ ترم و وتویه‌تی‌ مه‌حمود ده‌كوژم، من نازانم چی‌ بكه‌م بۆ تا ئێستا حكومه‌ت نه‌یتوانیوه‌ ئه‌و تاوه‌نباره‌ بگرێت، رۆژانه‌ ته‌له‌فۆنمان بۆ ده‌كات‌و هه‌ره‌شه‌مان لێده‌كات".
له‌باره‌ی‌ ئه‌وه‌ی‌ كه‌ ته‌نها هه‌ره‌شه‌ی‌ له‌و كردوه‌ محمود ساڵح وتی‌"پێی‌ وتم كه‌ تۆم كوشت، ئینجا نۆره‌ی‌ براكانی‌ دادێ‌".

هاولاَتی‌ ورده‌كاریی‌ كوشتنی‌ رۆژنامه‌نووس بێگه‌رد حسێن له‌سه‌ر زاری‌ هاوسه‌ره‌كه‌یه‌وه‌ بلاَوده‌
23-04-2008

شه‌وی‌ رابردوو له‌ شاری‌ هه‌ولێر رۆژنامه‌نووسێكی‌ ئافره‌ت له‌لایه‌ن پیاوه‌كه‌یه‌وه‌ به‌ چه‌قۆ ده‌كوژرێت‌و پیاوه‌كه‌ش ده‌ستگیر نه‌كراوه‌‌و پۆلیسیش خه‌ریكی‌ لێكوڵێنه‌وه‌ی‌ زیاترن‌و پیاوه‌كه‌ش ده‌ڵێت كه‌ی‌ تۆڵه‌ی‌ خۆم كرده‌وه‌ ئه‌وكات خۆم ده‌ده‌مه‌ ده‌ست یاسا.
به‌هۆی‌ كێشه‌ی‌ خێزانییه‌وه‌ شه‌وی‌ رابردوو رۆژنامه‌نووس بێگه‌رد حسێن كه‌ ناسراوه‌ به‌ بێگه‌رد قه‌لاَتی‌ له‌لایه‌ن هاوسه‌ركه‌ی‌ خۆیه‌وه‌ به‌چه‌قۆ ده‌كوژرێت‌و تا ئاماده‌كردنی‌ ئه‌و هه‌واڵه‌ش پیاوه‌كه‌ی‌ ده‌ستگیر نه‌كراوه‌‌و هه‌لاَتووه‌، له‌مباره‌یه‌وه‌ به‌ڕێوه‌به‌ری‌ گشتی‌ پۆلیس شاری‌ هه‌ولێر عه‌بدولخالق ته‌لعه‌ت به‌ هاولاَتیی‌ وت� شه‌وی‌ رابردوو بێگه‌رد له‌لایه‌ن مێرده‌كه‌یه‌وه‌ به‌ چه‌قۆ كوژراوه‌‌و دواتر مێرده‌كه‌ی‌ رایكردوه‌‌و ده‌ستگیر نه‌كراوه‌،به‌لاَم خه‌ریكی‌ لێكوڵینه‌وه‌ی‌ زیاترین�، له‌باره‌ی‌ هۆكاری‌ كوشتنه‌كه‌شی‌ به‌ڕێوه‌به‌ری‌ پۆلیسی‌ هه‌ولێر وتی‌�به‌پێی‌ لێكۆڵینه‌وه‌ سه‌رتاییه‌كان ئه‌و ئافره‌ته‌ له‌گه‌ڵ پیاوه‌كه‌ی‌ كێشه‌یان هه‌بووه‌‌و دواتر پیاوه‌كه‌ی‌ وازی‌ لێنه‌هێناوه‌ تا دواجار شه‌وی‌ رابردوو له‌ ماڵ كۆشتویه‌تی‌�.
به‌پێی‌ ئه‌و زانیارییانه‌ی‌ ده‌ست رۆژنامه‌ی‌ هاولاَتی‌ كه‌وتوون هاوسه‌ره‌كه‌ی‌ بێگه‌رد دوو ساڵ له‌ به‌ندینخانه‌ی‌ مه‌عه‌سكه‌ر سه‌لام به‌ند كرابوو‌و دوای‌ به‌ربوونیشی‌ به‌رده‌وام كێشه‌ی‌ له‌گه‌ڵ بێگه‌رد دورستكردوه‌.
جێی‌ ئاماژه‌ پێدانه‌ رۆژنامه‌نووس بێگه‌رد قه‌لاَتی‌ خاوه‌نی‌ یه‌ك منداڵه‌‌و پێشتر له‌ هه‌فته‌نامه‌ی‌ گولاَن كاری‌ كردوه‌‌و له‌چه‌ندین رۆژنامه‌‌و گۆڤاری‌ تریش بابه‌تی‌ بلاَوكردۆته‌وه‌‌و نامیلكه‌ی‌ شعریشی‌ چاپكردوه‌ به‌ ناوی‌ بۆنی‌ سوتان له‌ ساڵی‌ 2007‌و محه‌مه‌دی‌ هاوسه‌ریشی‌ كاری‌ هه‌ڵه‌ چنینی‌ بۆ كردوه‌‌و پێشه‌كیه‌كه‌ی‌ نامیلكه‌كه‌ش له‌لایه‌ن كه‌ژال ئه‌حمه‌دی‌ رۆژنامه‌نووسی‌ شاعیره‌وه‌ بۆ نووسراوه‌‌و مۆڵه‌تی‌ وه‌زاره‌تی‌ رۆشنبیریی‌ 54ی‌ ساڵی‌ 2001 پێدراوه‌ له‌شاری‌ سلێمانی‌.
بۆ زانیاری‌ زیاتر هاولاَتی‌ توانی‌ په‌یوه‌ندی‌ به‌ هاوسه‌ره‌كه‌ی‌ بێگه‌رده‌وه‌ بكات تا  ورده‌كاریی‌ كوشتنه‌كه‌ی‌ بێگه‌رد حسێنی‌ رۆژنامه‌نووس له‌ زمانی‌ هاوسه‌ركه‌ی‌ محه‌مه‌د مسته‌فا بلاَوبكاته‌وه‌‌و له‌مباره‌یه‌شه‌وه‌ سه‌ره‌تا هاوسه‌ری‌ بێگه‌رد رازی‌ نه‌بوو قسه‌مان بۆ بكات، به‌لاَم دوای‌ گفتوگۆیه‌كی‌ زۆر به‌و شێوه‌یه‌ محه‌مه‌د مسته‌فا هاوسه‌ری‌ بێگه‌رد به‌ هاولاَتیی‌ وت�نازانم له‌ كوێوه‌ ده‌ست پێبكه‌م‌و له‌ كوێشه‌وه‌ كۆتایی‌ پێبهێنم�، دواتر محه‌مه‌دی‌ هاوسه‌ری‌ بێگه‌رد هاته‌ سه‌ر چۆنێتی‌ روودانی‌ ئه‌و كاره‌ساته‌ی‌ كه‌ شه‌وی‌ رابردوو روویدا ‌و دوای‌ هه‌ڵكێشانی‌ هه‌ناسه‌یه‌كی‌ قوڵ وتی‌� ئه‌وه‌ ژنی‌ خۆم بووه‌، سه‌ره‌تا نێوانمان زۆر خۆش بوو هیچ ناخۆشییه‌ك له‌نێوانمان نه‌بوو، دواتر ویستی‌ وه‌ك ریكلامێك بۆ رۆژنامه‌نووسی‌‌و ئازادیی‌ ئافره‌ت كار بكات به‌لاَم چاوی‌ خیانه‌تی‌ له‌سه‌ر بوو، ئه‌مه‌ش من هه‌ستم پێكردوو رۆژانه‌ ده‌مبیسته‌وه‌ كه‌ خیانه‌تم لێده‌كات‌و دواتر كێشه‌ كه‌وته‌ نێوانمان، رۆژانه‌ كێشه‌كان گه‌وره‌تر ده‌بوون، به‌مه‌ش دوای‌ دروستبوونی‌ كێشه‌كان ئه‌و ژنه‌ داوای‌ جیابوونه‌وه‌ی‌ له‌من كرد، ئیتر چوینه‌ لای‌ مه‌لایه‌ك‌و مه‌لاكه‌ش رێنوێنی‌ كردم كه‌ ته‌نها یه‌ك ته‌لاَقی‌ به‌تاڵ بكه‌مه‌وه‌‌و سێ‌ مانگ مۆڵه‌تی‌ بده‌مێ‌ هه‌ر كاتێك پشیمان بوویه‌وه‌ ده‌بێته‌وه‌ ژنی‌ خۆت،به‌ مه‌رجێك 10 كه‌س یه‌ك ژه‌م تێرنان بكه‌ی‌‌و ئه‌و كات نیكاحی‌ دێته‌وه‌ لای‌ خۆت�، محه‌مه‌د ئه‌و كاته‌ی‌ قسه‌ی‌ بۆ ده‌كردین زۆر به‌ پچڕپچڕی‌ بۆمان ده‌دواو وتیشی‌�دوای‌ ئه‌وه‌ سێ‌ رۆژی‌ پێچوو هاته‌وه‌ی‌ لای‌ خۆم، وه‌ك جاران بووه‌ هاوسه‌ری‌ خۆم،به‌لاَم دووباره‌ ئه‌و ژنه‌ ده‌ستی‌ به‌ خیانه‌تكردن كرده‌وه‌ له‌گه‌ڵم‌و له‌گه‌ڵ كه‌سێكی‌ تر خه‌ریكی‌ خیانه‌ت بوو له‌ پاشه‌ من‌و به‌مه‌ش كێشه‌كه‌ ده‌ستی‌ پێكرده‌وه‌‌و دووباره‌ رۆیشت‌و زیز بوو، ئیتر من هه‌ر وازم لێنه‌هێنا له‌به‌ر ئه‌وه‌ی‌ كچێكم لێ‌ هه‌بوو‌و زۆر به‌ وردی‌ چاودێریم ده‌كرد، هه‌ر له‌وكاته‌ی‌ كه‌ له‌من زیز بوو چه‌ندین خانووی‌ به‌ كرێ ده‌گرت‌و بۆ ماوه‌یه‌ك چۆلی‌ ده‌كرد، به‌لاَم له‌به‌ر ئه‌وه‌ من مندالێكم لێی‌ هه‌بوو بۆیه‌ به‌ ناچاری‌ هه‌ر ده‌بوایه‌ یه‌كتر ببینین، یان به‌ ته‌له‌فۆن قسه‌مان ده‌كرد له‌به‌ر ئه‌وه‌ی‌ زۆربه‌ی‌ كات منداڵه‌كه‌ی‌ لای‌ خۆم ده‌مایه‌وه‌‌و ئه‌ویش به‌ ته‌نیا خانووی‌ بۆ خۆی‌ به‌كرێ‌ گرتبوو زۆریش مه‌به‌ستی‌ بوو خۆی‌ له‌من ده‌شارده‌وه‌‌و دواتریش خه‌ڵك به‌منیان ده‌وت كه‌ بێگه‌ر له‌گه‌ڵ خه‌ڵك به‌و شێوه‌یه‌ ده‌رۆیشت، منیش به‌مه‌ زۆر په‌ست ده‌بووم‌و رۆژانه‌ ته‌عقیبم ده‌كرد�.
محه‌مه‌د هاوسه‌ری‌ بێگه‌رد ئاماژه‌ی‌ به‌وه‌شكرد كه‌ ئه‌و كێشانه‌ گاریكه‌ریی‌ زۆر خراپی‌ له‌سه‌ر ده‌روونی‌ دروست كردبوو، له‌كاتی‌ قسه‌كانیدا محه‌مه‌د نه‌یده‌توانی‌ به‌ ئاسانی‌ قسه‌مان بۆ بكات له‌به‌ر ئه‌وه‌ی‌ فرمێسك به‌ چاوه‌كانیدا ده‌هاتنه‌ خوارێ‌ به‌ده‌م گریانه‌وه‌ ده‌یوت�تازه‌ قسه‌كردن به‌من چی‌ دایك وای‌ به‌سه‌ر هات‌و باوكیش وای‌ لێهات‌و منداڵه‌كه‌شمان كه‌س نازانێت چۆن ده‌ژیت‌و تازه‌ش نه‌ك یاسا‌و حكومه‌ت كه‌س ناتوانێ‌ چاره‌سه‌ری‌ كێشه‌كه‌م بۆ بكات، چونكه‌ ئه‌وها تێكچووه‌ كه‌س نه‌توانێ‌ چاره‌سه‌ری‌ بكات�، هاوسه‌ره‌كه‌ی‌ بێگه‌رد ئه‌وكاته‌ی‌ قسه‌ی‌ بۆ ده‌كردین جار ناجارێك ده‌یوت ئه‌وه‌ی‌ ماڵی‌ منی‌ كاولكرد زۆر باش دیاره‌‌و كه‌س نییه‌ له‌ گه‌ڕه‌كه‌كه‌مان نه‌یناسێ‌،  به‌و شێوه‌یه‌ ده‌ستی‌ له‌گه‌ڵ ژنه‌كه‌م تێكه‌ڵ كردبوو‌و خه‌ریكی‌ خیانه‌تكردن بوو له‌گه‌ڵ ژنه‌كه‌م، بایاسا بچێت ئه‌و كه‌س بگرێت نه‌ك به‌دوای‌ مندا بگه‌ڕێت�.له‌باره‌ی‌ چۆنێتی‌ كۆشتنه‌كه‌ی‌ بێگه‌ردیش هاوسه‌ره‌كه‌ی‌ به‌ده‌م گریانه‌وه‌ وتی‌� دوێنی‌ شه‌و چوومه‌ ماڵێ‌‌و یه‌كسه‌ر چوومه‌ ژووره‌وه‌‌و بینیم ئه‌و پیاوه‌ی‌ كه‌ خه‌ڵك باسیان ده‌كرد كه‌ په‌یوه‌ندی‌ له‌گه‌ڵ بێگه‌رد هه‌بوو به‌ره‌و رووم هات‌و منیش كه‌ چاوم پێكه‌وت له‌گه‌ڵ بێگه‌رد بوو نه‌متوانی‌ ته‌حمولی‌ ئه‌و دیمه‌نه‌ بكه‌م‌و پێش چاوم تاریك بوو، پیاوه‌كه‌ش له‌ترسان ده‌ستی‌ بۆ شت برد له‌ حه‌وشه‌ی‌ ماڵی‌ بێگه‌رد تا پارێزگاری‌ له‌خۆی‌ بكات، به‌لاَم من به‌ چه‌قۆ بۆی‌ چووم تا بیكوژم ئیتر ده‌ستم نه‌پاراست به‌لاَم ئه‌و بێویژدانه‌ هه‌ر بێگه‌ردی‌ ده‌هێنایه‌ پێشه‌وه‌‌و منیش هه‌ر چۆقۆم راده‌وه‌شاند بۆ پیاوه‌كه‌ ئیتر پیاوه‌كه‌ مه‌جالی‌ وه‌رگرت‌و به‌سه‌رباندا هه‌لاَت‌و منیش به‌دوای‌ كه‌وتم دوای‌ چه‌ند سه‌ر بانێك‌و به‌دوای‌ كه‌وتم ئیتر خۆی‌ لێ ونكردم منیش هه‌لاَتم‌و دواتر یه‌كسه‌ر ته‌له‌فۆنم بۆ ئاوڵزاوایه‌كم كرد، ته‌نها چۆنی‌ چاكیم له‌گه‌ڵ كرد، به‌لاَم دوای‌ نیو كاتژمێر ئاوه‌ڵزاوایه‌كه‌م ته‌له‌فۆنی‌ بۆ كردم كه‌ بێگه‌ردیان بردۆته‌ نه‌خۆشخانه‌‌و مردوه‌ ئیتر به‌و شێوه‌یه‌ بوو من زیاتر مه‌به‌ستم كوشتنی‌ ئه‌و پیاوه‌ بوو كه‌ خه‌ریكی‌ تێكدانی‌ ژیانی‌ هاوسه‌ریمان بوو نه‌ك بێگه‌رد، به‌ڵام وا كه‌وته‌وه‌ نه‌ك من هه‌ر كه‌سێك ئه‌وه‌ بێنێته‌ پێش چاوی‌ كه‌ به‌ چاوی‌ خۆی‌ به‌و جۆره‌ ژنه‌كه‌ی‌ له‌گه‌ڵ یه‌كێك ببینێ‌ چی‌ ده‌كات، هه‌ر چه‌نده‌ ئه‌و كاته‌ بێگه‌رد له‌من تۆرا بوو به‌لاَم ناكاته‌ ئه‌وه‌ی‌ من له‌گه‌ڵ یه‌كێك بیبینم قسه‌ نه‌كه‌م، چونكه‌ بێگه‌رد هه‌ر ژنی‌ من بوو، كه‌ كوڕه‌كه‌شم بینی‌ زۆر باش ناسیمه‌وه‌‌و له‌به‌ر ئه‌وه‌ پێشتر هاوسێمان بوو �، محه‌مه‌دی‌ مسته‌فا به‌هۆی‌ كاریگه‌ریی‌ ئه‌و رووداوه‌وه‌ له‌ژێر كاریگه‌ریی  ده‌ورنی‌ زۆر خراپدا قسه‌ی‌ بۆ ده‌كردین‌و ئاماژه‌ی‌ به‌وه‌دا كه‌وا ئێستا هیچ كه‌سی له‌ خانه‌واده‌ی‌ بێگه‌رد سكالاَی‌ له‌سه‌ره‌د من نییه‌، چونكه‌ ئه‌وانیش ئاگاداری‌ ئه‌و خیانه‌ته‌ی‌ بێگه‌رد بوون‌و به‌ هه‌موو كێشه‌كه‌ی‌ ئێمه‌یان ده‌زانی‌‌و هه‌ر لای‌ منیان ده‌گرت نه‌ك من هه‌موو ئه‌وانه‌ی‌ من‌و بێگه‌ردیان ده‌ناسی‌ ده‌زانن خه‌تای‌ كێ بوو وامانلێهات.
هاوسه‌ره‌كه‌ی‌ بێگه‌رد نه‌یده‌توانی‌ ئه‌وه‌ بشارێته‌وه‌ كه‌ پێشتر چه‌ندین جار به‌دوای‌ ئه‌و كوڕه‌دا گه‌ڕاوه‌،  به‌لاَم وه‌ك ئه‌وه‌ی‌ محه‌مه‌د بۆی‌ باس ده‌كردین ئه‌و كوڕه‌ خۆی‌ به‌ به‌رپرسێك به‌ستبووه‌وه‌و خۆی‌ له‌پشت ئه‌و ناوه‌، ده‌نا زۆر له‌مێژ بوو هه‌قی‌ خۆم لێكردبوه‌وه‌، بۆیه‌ ده‌شتیووت� چه‌ندین جار ته‌له‌فۆنم بۆ ئه‌وه‌ كوڕه‌ ده‌كرد ده‌م وت كاكه‌ وه‌ره‌ قسه‌ بكه‌ین بزانم تۆ چیت له‌ ماڵی‌ من ده‌وێت كه‌چی‌ ئه‌و به‌ ئیهمالیه‌وه‌ به‌ منی‌ ده‌وت وه‌ره‌ لای‌ ماڵێ‌ یان باره‌گای‌ .... من وا له‌وێم منیش له‌به‌ر ئه‌وه‌ی‌ ئه‌و كه‌سه‌ی‌ ئه‌و باسی‌ ده‌كرد به‌رپرس بوو نه‌مده‌توانی‌ بچمه‌ وێنده‌رێ‌�، له‌باره‌ی‌ چۆنێتی‌ ناسینی‌ ئه‌و كوڕه‌ محه‌مه‌د وتی‌� ئه‌و كوڕه‌ پێشتر هاوسێمان بوو، زۆر شتی‌ له‌باره‌وه‌ ده‌زانم، به‌لاَم له‌به‌رئه‌وه‌ی‌ ئێستا من خه‌ریكی‌ ئه‌وه‌م له‌دوای‌ ده‌گه‌ڕێم تا بیدۆزمه‌وه‌ تۆڵه‌ی‌ تێكدانی‌ ژیانی‌ هاوسه‌ری‌ خۆم‌و بێگه‌رد‌و منداڵه‌كه‌می‌ لێبكه‌مه‌وه‌، بۆیه‌ نامه‌وێت زۆر شت هه‌یه‌ له‌باره‌ی‌ ئه‌و كوڕه‌ ئێستا باسی‌ بكه‌م، چونكه‌ ده‌ترسێم ئه‌و كوڕه‌ بیخوێنێته‌وه‌‌و به‌لایه‌كدا خۆی‌ بزر بكات�.
له‌ درێژه‌ی‌ قسه‌كانیدا محه‌مه‌د به‌ده‌م گریانه‌وه‌ وتی‌� من رۆژی‌ پێشتر له‌گه‌ڵ بێگه‌رد چووینه‌ ناو بازار به‌یه‌كه‌وه‌ سوڕاینه‌وه‌‌و شتمان بۆ منداڵه‌كه‌مان كری‌و جل‌و شتی‌ یاریم بۆ منداڵه‌كه‌م كڕی‌، ئه‌گه‌ر بمویستایه‌ بێگه‌رد بكوژم ده‌مێك بوو ده‌مكوشت نه‌وه‌ك به‌وشێوه‌یه‌ بیكوژم، به‌لاَم من زیاتر مه‌به‌ستم كوڕه‌كه‌ بوو به‌لاَم به‌داخه‌وه‌ به‌ری‌ نه‌كه‌وتبوو�.
 له‌وه‌لاَمی‌ ئه‌وه‌ی‌ ئایا جگه‌ له‌و كوڕه‌ بێگه‌ردی‌ له‌گه‌ڵ خه‌ڵكی‌ تر بینیوه‌ یان باسیانكردوه‌ محه‌مه‌دی‌ وتی‌� ته‌نها ئه‌وه‌ كوڕه‌ ده‌بینرا‌و خه‌ڵك باسیان ده‌كرد تا دواجار خۆشم بینیم�.
له‌ كۆتاییدا به‌ده‌م هه‌ڵكێشانی‌ هه‌ناسه‌ی‌ سارده‌وه‌ به‌ هاولاَتیی‌ وت�من ئێستا چاوه‌رێی‌ گرتنی‌ ئه‌و كه‌سه‌ ده‌كه‌م هه‌ر كاتێ‌ ئه‌و كه‌سه‌ی‌ كه‌ ماڵی‌ منی‌ كاولكرد ده‌ستگیركرا ئه‌و كات من خۆم دێمه‌وه‌ به‌رده‌م یاسا، به‌لاَم ئێستا خۆم به‌ده‌ست یاساوه‌ بده‌م ده‌مگرێت‌و له‌ به‌ندیخانه‌م ده‌كات‌و دامده‌رزێنێت‌و كوڕه‌كه‌ش به‌ كه‌یفی‌ خۆی‌ له‌و ناوه‌ پیاسه‌ ده‌كات‌و ده‌ستگیری‌ ناكات، به‌لاَم ئه‌گه‌ر به‌ده‌ستی‌ خۆم تۆڵه‌ی‌ بكه‌مه‌وه‌ ئه‌و كات خۆم ده‌چمه‌ به‌رده‌م یاسا تا لێكۆڵینه‌‌وه‌ له‌ كێشه‌كه‌م بكات، كه‌ تازه‌ زۆر زه‌حمه‌ته‌ چاره‌سه‌ر بكرێت بۆیه‌ پێویست ناكات یاسا له‌دوای‌ من بگه‌ڕێت چونكه‌ زۆر ئه‌سته‌مه‌ بمدۆزێته‌وه‌ تا تۆڵه‌ی‌ خۆم نه‌كه‌مه‌وه‌�.
 محه‌مه‌د له‌باره‌ی‌ ئیش‌و كاری‌ رۆژانه‌ی‌ خۆشی‌ وتی‌� من خه‌ریكی‌ كڕین‌و فرۆشتنی‌ مۆبایل بووم له‌گه‌ڵ ئه‌وه‌ش كاری‌ رۆژنامه‌نووسیشم ده‌كرد�.
هاولاَتی‌ هه‌وڵیدا په‌یوه‌ندی‌ به‌ كه‌سوكاری‌ بێگه‌رده‌وه‌ بكات، به‌لاَم به‌هۆی‌ خراپی‌ باری‌ ده‌روونی‌ ئه‌و خێزانه‌‌وه‌ نه‌یتوانی‌ له‌لایه‌ن ماڵی‌ باوكی‌ بێگه‌رده‌وه‌ هیچی‌ ده‌ست بكه‌وێت.